გერმანიაში, რამშტეინის საჰაერო ბაზაზე უკრაინის თავდაცვის საკონტაქტო ჯგუფის მე-11 სამიტი იმართება.

რატომ არის მნიშვნელოვანი: რამშტეინის სამიტები უკრაინისთვის სამხედრო დახმარების მიწოდების კოორდინაციის მიზნით ეწყობა.

  • რეზნიკოვის ცნობით, დღევანდელ შეხვედრაზე დღის წესრიგში იქნება 2023 წლის სამხედრო სტრატეგია, შეიარაღებული ძალების მიმდინარე საჭიროებები და დახმარების პროგრამების განაწილება უკრაინის თავდაცვის ძალების ყველა დივიზიისთვის.

დეტალები: შეხვედრას აშშ-ს თავდაცის მდივანი, ლოიდ ოსტინი უძღვება.

  • იგი მიესალმა უკრაინის თავდაცვის მინისტრს, ოლექსი რეზნიკოვს და განაცხადა, რომ მისთვის "ყოველთვის სასიამოვნოა კარგ მეგობართან და კოლეგასთან, რეზნიკოვთან საუბარი".
  • "გასული წლის განმავლობაში, უკრაინის თავდაცვის საკონტაქტო ჯგუფის წევრებმა უკრაინას უზარმაზარი დახმარება გაუწიეს. ჩვენ მათ მხარს დავუჭერთ იმდენ ხანს, რამდენიც საჭირო იქნება", — დასძინა მან.