ამის შესახებ გია კალანდაძემ TV პირველის ეთერში ისაუბრა.

დეტალები: მისი განცხადებით, არ არის დარწმუნებული ექვემდებარება თუ არა ლაზარეს საქმის განხილვა ნაფიც მსაჯულთა სასამართლოს, თუმცა აქვს სურვილი ამ შესაძლებლობით ისარგებლოს.

  • კალანდაძის შეფასებით, ასევე ვერ პროგნოზირებს როგორ წარიმართება მართლმსაჯულება, თუმცა იცის, რომ ლაზარე "სწორ დროს, სწორ ადგილას და სწორი საქმისთვის იყო იქ [მარტის აქციებზე]".
  • "მე აქედან ყველაფერს ვაკეთებ რისი გაკეთებაც შემიძლია. როგორც მეუბნებიან, ლაზარე, არის მხნედ, ვაჟკაცურად, იქედან მამხნევებს, ბაბუ, ნუ გეშინია, ყველაფერი კარგად იქნებაო, ანუ კარგად არის", — დასძენს იგი.

რატომ არის მნიშვნელოვანი: ნაფიც მსაჯულთა სასამართლო მძიმე კატეგორიის სისხლის სამართლის საქმეებისთვის მოქმედებს, სადაც პირის ბრალეულობას თუ უდანაშაულობას მოსამართლის ნაცვლად ნაფიცი მსაჯულები ადგენენ.

  • გრიგორიადისს ბრალი ედება პოლიციელის ჯანმრთელობის ხელყოფაში მის სამსახურებრივ საქმიანობასთან დაკავშირებით და ცეცხლის წაკიდებით სხვისი ნივთის განადგურებაში.
  • ბრალდებები სასჯელის ზომად 7-დან 11 წლამდე თავისუფლების აღკვეთას ითვალისწინებს.