Black Sea Arena-მ აგვისტოში რამდენიმე კონცერტი დააანონსა. შემსრულებლებს შორის ბევრისათვის საყვარელი ჯგუფები Imagine Dragons და The Killers არიან.

Imagine Dragons კონცერტს მიხეილ მესხის სახელობის სტადიონზე გამართავს, ხოლო The Killers-ს Black Sea Arena-ზე ვიხილავთ. ბილეთების გაყიდვა 24 აპრილიდან ვებგვერდზე BSA.ge დაიწყება.

კონცერტების განრიგი ასე გამოიყურება:

  • Nile Rodgers & Shick — 5 აგვისტო;
  • FKJ — 6 აგვისტო;
  • Damian Lazarus — 10 აგვისტო;
  • The Killers — 15 აგვისტო;
  • All Day I Dream — 18 აგვისტო;
  • Imagine Dragons — 31 აგვისტო.

კონცერტები კამპანია Starring Georgia-ს ფარგლებში გაიმართება, რომლის შესახებ ინფორმაცია საქართველოს მთავრობის ფეისბუქგვერდზეც გამოქვეყნდა:

"საქართველოს პრემიერ-მინისტრის, ირაკლი ღარიბაშვილის გადაწყვეტილებით, Black Sea Arena საქართველოში მასშტაბურ კამპანიას Starring Georgia იწყებს. კამპანიის მთავარი მიზანი ქვეყნის პოპულარიზაცია, საქართველოს ტურისტული, ეკონომიკური და კულტურული პოტენციალის გაძლიერებაა", — ვკითხულობთ განცხადებაში.