გამოცემის ინფორმაციით, მსოფლიო დონის დიპლომატიური სკანდალის გამომწვევი 20 წლამდე ასაკის იარაღის მოყვარულია, რომელიც სამხედრო ბაზაზე მუშაობდა.

რატომ არის მნიშვნელოვანი: აშშ-ის საიდუმლო დოკუმენტების გავრცელება, რომელიც შეიცავდა ინფორმაციას უკრაინის ომსა და ქვეყნის პარტნიორებზე, შეფასდა როგორც ყველაზე საზიანო ინფორმაციის გაჟონვა ბოლო წლების განმავლობაში.

  • როგორც ირკვევა, აშშ-ის დაზვერვის მონაცემები განთავსდა Discord-ზე, ონლაინ შეტყობინებების პლატფორმაზე — 4Chan, Telegram-სა და Twitter-ზე.
  • აშშ-ის ეროვნული უსაფრთხოების სააგენტოები და იუსტიციის დეპარტამენტი გამოძიებას აწარმოებენ და ცდილობენ შეაფასონ ზიანი, რაც ქვეყნის ეროვნულ უსაფრთხოებას და სტრატეგიულ პარტნიორებთან ურთიერთობას მიადგა.

დეტალები: მან საიდუმლო ინფორმაცია ჯგუფს მყისიერი შეტყობინების პლატფორმაზე (Discord) გაუზიარა.

  • ჯგუფი ორი ათეული კაცისგან შედგებოდა, რომლებიც იზიარებდნენ "იარაღის, სამხედრო აღჭურვილობისა და ღმერთის სიყვარულს".
  • Washington Post-მა ჯგუფის წევრებთან ინტერვიუ ჩაწერა, თუმცა არ დაუსახელებია მთავარი მოქმედი პირი.
  • Discord-მა ოთხშაბათს გავრცელებულ განცხადებაში განაცხადა, რომ იგი თანამშრომლობს სამართალდამცავებთან.