საიდუმლო დოკუმენტები, რომლებიც სოციალურ ქსელში გავრცელდა, შეიცავს ინფორმაციას უკრაინის ომზე და ჩინეთისა და ამერიკის მოკავშირეებზე.

რატომ არის მნიშვნელოვანი: ვაშინგტონი ცდილობს დოკუმენტების გაჟონვის წყაროს მიაგნოს, რაც პენტაგონის თქმით, ეროვნული უსაფრთხოებისთვის სერიოზულ საფრთხეს წარმოადგენს.

  • დოკუმენტების გაჟონვის შემდეგ აშშ არაერთ დიპლომატიურ სკანდალში გაეხვა.
  • რთულდება იდენტიფიცირება, რომელი დოკუმენტია ორიგინალი და რომელია სახეცვლილი. საერთაშორისო ექსპერტები მოვლენების განვითარებაში რუსეთის ძალისხმევას და ინტერესებს ხედავენ.

დეტალები: BBC-ის ცნობით, პენტაგონიდან გაჟონილი დოკუმენტები ცხადყოფს, რომ აშშ-ს და სამხრეთ კორეის მაღალჩინოსნები უკრაინაში იარაღის გაგზავნის შესაძლებლობას განიხილავდნენ.

  • ერთ-ერთ დოკუმენტში განხილულია დეტალები, რომ აშშ სამხრეთ კორეას უკრაინისთვის იარაღის მიყიდვისკენ უბიძგებდა.
  • სეული კი ამ გადაწყვეტილებისგან თავს იმ მიზეზით იკავებდა, რომ აქვთ პოლიტიკა, არ მიაწოდონ ომში მყოფ ქვეყანას იარაღი.
  • გასულ წელს, სამხრეთ კორეა დათანხმდა, რომ აშშ-ს საარტილერიო ჭურვებს მიჰყიდდა, რომელიც შეავსებს ქვეყნის მარაგს, რაც უკრაინის ომის შედეგად ამოიწურა.
  • BBC ვარაუდობს, რომ გავრცელებული საიდუმლო დოკუმენტებიდან ირკვევა, რომ აშშ თავის ათწლეულების მოკავშირეზე, სამხრეთ კორეაზე ჯაშუშობდა.
  • სამხრეთ კორეამ ამ ეჭვებს არის "აბსურდული და ყალბი" უწოდა.

აშშ არ მალავს ფაქტს, რომ მას სურს სეულმა კიევი შეაიარაღოს, რადგან სამხრეთ კორეას აქვს რესურსი, სწრაფად შექმნას მოწინავე იარაღი საკუთარი რესურსებით. ხოლო ამას შეუძლია მნიშვნელოვანი წვლილი შეიტანოს ომის მიმდინარეობაში.

  • "სამხრეთ კორეა ყოველთვის ინარჩუნებს ბალანსს და არის დელიკატური — ერთ მხარეს აშშ ჰყავს, ხოლო მეორეს მხრივ რუსეთი და ჩინეთი", — თქვა ჯენი თაუნმა, კორეელმა ანალიტიკოსმა.
  • მისი შეფასებით, გაჟონილი დოკუმენტები ცხადყოფს, რომ სამხრეთ კორეა ცდილობს დააბალანსოს, თუ როგორ იქნება აღქმული ის, რისი გაკეთებაც უკრაინის მხარდასაჭერად სურთ.