ამის შესახებ პარლამენტში გამართულ ბრიფინგზე თამარ კორძაიამ ისაუბრა.

რატომ არის მნიშვნელოვანი: ოპოზიციონერმა დეპუტატებმა პრეზიდენტს რიგგარეშე სხდომის მოწვევის თხოვნით მას შემდეგ მიმართეს, რაც აშშ-მ კორუფციულ საქმიანობაში ჩართვისთვის 4 მოსამართლე დაასანქცირა.

  • დეპუტატებს რიგგარეშე სხდომის ჩანიშვნა დროებითი საგამოძიებო კომისიის შესაქმნელად სურდათ.

რა ხდება: კორძაიას განცხადებით, ორმა დეპუტატმა, საუბარია ანა წითლიძესა და ლევან ხაბეიშვილზე, მოულოდნელად, დაუგეგმავად დატოვეს საქართველო, რის გამოც, ოპოზიციას საგამოძიებო კომისიის შესაქმნელად ხმები არ ყოფნის.

  • "საკითხის ჩავარდნას ჯობს საკითხის გადაწყვეტის გადადება, ამიტომ მივმართავთ კვლავ პრეზიდენტს, რომ ხვალიდნელი სხდომა არ მოიწვიოს", — თქვა მან.

წითლიძის თქმით, პოლონეთში ოფიციალური ვიზიტი მხარის მოწვევით ჯერ კიდევ ორი კვირის წინ იყო დაგეგმილი, მთავარი თემები პოლიტიკური პატიმრები, 12-პუნქტიანი გეგმის შესრულება და სააკაშვილის ჯანმრთელობის მდგომარეობაა, ხვალ კი ევროპარლამენტარებს უნდა შეხვდნენ.

  • დეპუტატის თქმით, საგამოძიებო კომისიის შექმნაზე თანხმობა განაცხადა, თუმცა თარიღზე ინფორმირებული არ იყო და კომუნიკაციის პრობლემაზე საუბრობს.
  • წერს იმასაც, რომ მასსა და ხაბეიშვილს 11-13 აპრილს აუნაზღარებადი შვებულება აქვთ აღებული, რაც სისტემაშიც ჩანს.
  • ასევე, ამბობს, რომ საგანგებო სხდომის დანიშვნა შესაძლებელია ნებისმიერ სხვა დღეს და ტყუილს უწოდებს იმას, რომ საკითხი მათ გამო ჩავარდა.
  • "ჩვენს გარდა კიდევ ორი დეპუტატი არ იქნება ადგილზე თვის ბოლომდე. ამიტომ ინიციატორებს მეტი ორგანიზება გმართებთ და არა გადაბრალება", — წერს წითლიძე.