დღეს, 22 მარტს, მსოფლიოში წყლის საერთაშორისო დღე აღინიშნება.

ჯორჯიან უოთერ ენდ ფაუერმა წყლის საერთაშორისო დღესთან დაკავშირებით სკოლის მოსწავლეებთან საინფორმაციო შეხვედრა გამართა.

წყლის საერთაშორისო დღე საზოგადოებაში წყლის რესურსების შესახებ ცნობიერების ამაღლებასა და მის მდგრადად გამოყენებას ემსახურება. ჯივიპის მიზანია, რაც შეიძლება მეტი ადამიანის ინფორმირება წყლის გაფრთხილებასა და დაზოგვის მნიშვნელობაზე.

ჯივიპის წყალმომარაგების სათავე ნაგებობაზე სერვანტესის სახელობის გიმნაზია აია-ჯესს-ის მოსწავლეები გაეცნენ თუ როგორ ხდება სასმელი წყლის მოპოვება, დამუშავება და ხარისხის კონტროლი ჯივიპის ლაბორატორიებში, ასევე თავადაც მიიღეს მონაწილეობა პრაქტიკულ ცდებში.

"ძალიან ცოტა ადამიანმა იცის, საიდან მოდის სასმელი წყალი და როგორ ხვდება ჩვენს ონკანებში. ჯივიპიში მუდმივად იმართება საინფორმაციო შეხვედრები სკოლის მოსწავლეებთან. მნიშვნელოვანია ახალმა თაობამ იცოდეს, რომ სასმელი წყლის დამუშავების ციკლის თითოეული საფეხური დიდ შრომას მოითხოვს და სასმელ წყალს გაფრთხილება ჭირდება, ისევე როგორც იმ გარემოს, საიდანაც ვიღებთ წყალს", — ნინო სულხანიშვილი ჯივიპის ინტეგრირებული სისტემების მართვის დეპარტამენტის ხელმძღვანელი.