ამერიკის შეერთებული შტატების სახელმწიფო დეპარტამენტი 2022 წელს საქართველოში ადამიანის უფლებების მდგომარეობის შესახებ ანგარიშს აქვეყნებს, სადაც ექსპრეზიდენტ მიხეილ სააკაშვილზეცაა საუბარი.

რატომ არის მნიშვნელოვანი: სააკაშვილის საკითხი ანგარიშში წამებისა და არაადამიანური და დამამცირებელი მოპყრობის ქვეთავშია განხილული.

  • ნათქვამია, რომ სახალხო დამცველმა არაერთხელ მოუწოდა ხელისუფლებას დროული და სათანადო სამედიცინო დახმარება გაეწიათ ყოფილი პრეზიდენტისთვის.
  • "11 მარტს ომბუდსმენმა აღნიშნა, რომ ადამიანის უფლებათა ევროპული სასამართლოს მიერ დადგენილი სტანდარტის მიხედვით, დროული, სრული და ადეკვატური მკურნალობის ნაკლებობა, არაზუსტი დიაგნოზი და არასათანადო სამედიცინო დახმარება შეიძლება უტოლდებოდეს ადამიანის უფლებათა კონვენციის მე-3 მუხლის დარღვევას, რომელიც ეხება წამებას, არაადამიანურ და/ან ღირსების შემლახველ მოპყრობას", — ვკითხულობთ დოკუმენტში.

გარდა ამისა, სპეციალურ საგამოძიებოზე დაყრდობით აღნიშნავენ, რომ იუსტიციის სამინისტრომ და პენიტენციურმა რუსთავის ციხიდან გლდანის პენიტენციურ კლინიკაში სააკაშვილის გადაყვანის კადრების გასაჯაროებით მონაცემთა დაცვის კანონი დაარღვიეს.

  • ასევე, საუბარია იმაზე, რომ საქართველოში ოპოზიციური პარტიები ექსპრეზიდენტს პოლიტპატიმრად მიიჩნევენ.