15 ივნისს, ჯანმრთელობის დაცვისა და სოციალურ საკითხთა კომიტეტმა, მეორე მოსმენით, დაამტკიცა კანონპროექტი "ნარკოტიკული საშუალებების, ფსიქოტროპული ნივთიერებების, პრეკურსორებისა და ნარკოლოგიური დახმარების შესახებ."

კანონპროექტის მიზანია, სამკურნალო საშუალება ბუპრენორფინის კომბინირებული პრეპარატების მიმართ კონტროლის გამკაცრება. ამ პრეპარატებს კანონით განსაზღვრული ბრუნვისთვის შეზღუდული ნარკოტიკული საშუალებების ნუსხაში შეიტანენ, რაც ექიმის დანიშნულების გარეშე მათ გამოყენებას შეამცირებს.

კანონპროექტს დღესვე, მეორე მოსმენით, განიხილავენ პარლამენტის პლენარულ სხდომაზე. იგი გამოქვეყნებიდან მეთხუთმეტე დღეს ამოქმედდება.