პარლამენტის ევროინტეგრაციის კომიტეტის თავმჯდომარეს, თამარ ხულორდავას მიაჩნია, რომ აფგან მუხტარლის საქმის პროკურატურის მიერ გამოძიება უკეთესი იქნებოდა, რადგან საზღვრის დაცვაზე შინაგან საქმეთა სამინისტროა პასუხისმგებელი. საქართველოდან გაუჩინარებული აზერბაიჯანელი ჟურნალისტის საქმის გამოძიებაზე დეპუტატმა იმედის ეთერში ისაუბრა:

"ეს უფრო მეტ დამოუკიდებლობას შესძენდა ამ პროცესს. თუმცა ჩვენ ვიცით რომ ძალიან აქტიურად მუშაობს საგამოძიებო უწყება [შსს]".

მისივე თქმით, რეზოლუცია, რომელიც ევროპარლამენტმა დღეს მიიღო ქვეყნისთვის მნიშვნელოვანია, რადგან ევროპარლამენტარები მოითხოვენ, რაც შეიძლება სწრაფად გამოიძიონ აფგან მუხტარლის საქმე.

ხულორდავას განცხადებით, პარლამენტი გეგმავს აქტიურად ჩაერთოს მუხტარლის საქმეში და აკონკრეტებს, რომ საგამოძიებო კომისიის შექმნა ერთ-ერთი ინსტრუმენტია, თუმცა, "კომისიის შექმნა თვითმიზანი არ უნდა იყოს":

"პარლამენტს აქვს რიგი ბერკეტები, რომ მთავრობაზე ეფეტური კონტრილი განახორციელოს".

დღეს, სტრასბურგში ევროპარლამენტის პლენარულ სესიაზე, აფგან მუხტარლის საქმეზე რეზოლუცია მიიღეს, სადაც აზერბაიჯანს დაკავებული ჟურნალისტის გათავისუფლებისკენ, საქართველოს კი გამჭვირვალე გამოძიებისკენ მოუწოდეს.