ამ სტატიაში გთავაზობთ იმ პროდუქტების ჩამონათვალს, რომელთა უმეტესობაც სეზონურია და მათი მირთმევა ძირითადად მხოლოდ ზაფხულის ცხელ დღეებშია შესაძლებელი. გარდა იმისა რომ საზამთრო, სიმინდი ან პომიდორი ძალიან გვიყვარს, ჩვენს ყოველდღიურ რაციონში მათი მოხვედრა აუცილებელიც კი არის ჩვენი ჯანმრთელობისათვის.

გთავაზობთ საზაფხულო და თქვენი ჯანმრთელობისათვის აუცილებელ პროდუქტების სიას:

1. საზამთრო

ყველასთვის საყვარელი საზაფხული ხილი, რომელსაც წელიწადის სხვა დროის სახელი ჰქვია, შეიცავს A და C ვიტამინებს, მდიდარია კალიუმით და კიბოსთან მებრძოლი ანტიოქსიდანტი ლიკოპინით. ასევე ამინომჟავა L-ციტრულინის საუკეთესო ბუნებრივი წყაროა - L-ციტრულინი ხელს უწყობს სისხლის მიმოქცევის სისტემის ფუნქციონირებას და არეგულირებს წნევას.

2. კრევეტი

კალიუმით გაჯერებული და დაბალკალორიული უგემრიელესი კრევეტები, გარდა იმისა რომ ყველა გურმანის საყვარელი საკვებია, ის გვეხმარება სილამაზისა და ახალგაზრდობის შენარჩუნებაში. სასარგებლოა გულისთვისაც, რადგან შეიცავს დიდი რაოდენობით ცილებს, ომეგა-3-სა და ვიტამინ B12-ს.

3. სიმინდი

სიმინდის სამშობლო ამერიკის კონტინენტია, საქართველოში კი ის მეთექვსმეტე საუკუნიდან გამოჩნდა და მას შემდეგ, ისევე როგორც დანარჩენ მსოფლიოში, აქაც დიდი პოპულარობით სარგებლობს. სადილამდე, ზღვის სანაპიროზე ნაყიდი ერთი-ორი სიმინდი თუ აქამდე უბრალოდ მსუბუქი წახემსება გეგონათ, უნდა იცოდეთ რომ ის თქვენს ორგანიზმს D და E ვიტამინებით ამდიდრებს, ასევე ამცირებს გულის დაავადებებისა და კიბოს რისკებს. ის შეიცავს ლუტეინს, ძლიერ ანტიოქსიდანტს, რომელიც ბადურას ყვითელი ლაქის დეგრადირების რისკებს ამცირებს.

4. სოკო

სოკო ნახშირწყლებსა და მინერალურ ნივთიერებებს შეიცავს, ასევე ამინომჟავებს რომელსაც სრულად ითვისებს ჩვენი ორგანიზმი და D, B, E, B1, A, PP და C ვიტამინებს. სოკოც ასევე ამცირებს კიბოს რისკებს და აძლიერებს იმუნურ სისტემას.

5. ალუბალი

წვნიანი და გემრიელი ალუბალი, ერთ-ერთი ყველაზე სასარგებლო ხილია, რადგან ის გაჯერებულია ჩვენი ორგანიზმისათვის სასარგებლო ვიტამინებითა და ნივთიერებებით. შეიცავს PP, B1, B6, K, E და C ვიტამინებს, ასევე იოდს, გლუკოზას და ფრუქტოზასა. სისხლში ამცირებს ქოლესტერინს და კიბოს პრევენციის საუკეთესო საშუალებაა.

6. ქლიავი

ქლიავი უნიკალური პროდუქტია, რადგან ის დამუშავების შემდეგაც კი ინარჩუნებს სასარგებლო თვისებებს. არეგულირებს არტერიულ წნევას და შეიცავს დიდი რაოდენობით ვიტამინებს PP, C, E, da P.

7. ატამი

ატამი მდიდარია ანტიოქსიდებით, ამიტომ ის ამცირებს კიბოსა და სხვადასხვა ქრონიკული დაავადებების რისკებს. თუ დიეტური და გემრიელი საკვები გჭირდებათ, ამ შემთხვევაშიც ის საუკეთესო არჩევანი იქნებოდა.

8. ავოკადო

ავოკადო ამცირებს ქოლესტერინის დონეს, შესაბამისად ამცირებს გულის დაავადებებისა და ინსულტის რისკებსაც. ორგანიზმს ეხმარება ცხიმების წვაში, ამიტომ ის წონის დასაკლებად უებარი საშუალებაა. შეიცავს B6 და E ვიტამინებს.

9. პომიდორი

პომიდორი, ზაფხულში ერთ-ერთი ყველაზე მოთხოვნადი და ყველასათვის საყვარელი პროდუქტია. გარდა იმისა რომ ის გემრიელია და ნებისმიერ კერძს აკეთილშობილებს, სასარგებლოც არის. შეიცავს ისეთ სასარგებლო ნივთიერებებს როგორიც არის გლუკოზა და ფრუქტოზა, კალციუმი, კალიუმი, ფოსფორი, იოდი და ა.შ. ასევე PP, K, C, E, B9, B2, B6, B1 და A ვიტამინებს. დაიმახსოვრეთ, რაც უფრო მწიფეა პომიდორი, ის უფრო სასარგებლოა თქვენი ჯანმრთელობისათვის.