ბალენსიაგამ პარიზის მოდის კვირეულზე ახალი კოლექცია წარადგინა

პარიზის მოდის კვირეული დაიწყო და ბალენსიაგამ 2023 წლის შემოდგომის კოლექცია უკვე წარადგინა. ეს ბრენდის პირველი ჩვენებაა მას შემდეგ, რაც ბალენსიაგა ბავშვების სექსუალიზებაში დაადანაშაულეს. ბალენსიაგას შემოქმედებითმა ხელმძღვანელმა და ქართველმა დიზაინერმა დემნამ 2023 წლის შემოდგომის კოლექციის წარსადგენ განცხადებაში მოდისა და ბალენსიაგასთან დაკავშირებული სკანდალის შესახებ ისაუბრა.

"მოდა ერთგვარ გასართობად იქცა და ეს ნაწილი ხშირად ჩრდილავს მის არსს, რომელიც მდგომარეობს ფორმებსა და ზომებში, სილუეტებში, სხეულსა და ქსოვილს შორის ურთიერთობის ჩამოყალიბებაში, სამხრეებისა და სამკლავურების შექმნასა და კიდევ იმაში, როგორ გვცვლის სამოსი ჩვენ", — განაცხადა დემნამ.

შეგახსენებთ, რომ გასულ წელს ბალენსიაგას სადღესასწაულო კამპანიამ, რომელშიც ბავშვები მონაწილეობდნენ, საზოგადოების დიდი კრიტიკა დაიმსახურა. ბრენდის საჩუქრების მაღაზიის კამპანიაში ბავშვები სათამაშო დათვის ჩანთებთან ერთად მონაწილეობდნენ, ხოლო დათვებს ბადიანი მაისურები და ტყავის აღჭურვილობა ეცვათ, რაც საზოგადოების დიდი ნაწილისთვის სექსთან და სექსუალურ ფანტაზიებთან ასოცირდა. სწორედ ამ კამპანიის გამო, ბალენსიაგა ბავშვების სექსუალიზებაში დაადანაშაულეს. კამპანიასთან დაკავშირებული სკანდალის შემდეგ ბალენსიაგამ და დემნამ საჯაროდ ბოდიში არაერთხელ მოიხადეს.

"ბოლო თვეების განმავლობაში მოდისადმი ჩემი სიყვარულის დაცვა დამჭირდა და ეს განუზრახველად შევძელი სამოსის შექმნის პროცესით. ამით კიდევ ერთხელ დავრწმუნდი, რამხელა ძალა აქვს მას, რომ გამაბედნიეროს და საკუთარი თავის გამოხატვის საშუალება მომცეს. სწორედ ამიტომ, მოდა ჩემთვის გართობა კი აღარაა, არამედ — სამოსის შექმნის ხელოვნება", — ამბობს დემნა.

ბალენსიაგას 2023 წლის შემოდგომის კოლექციაში შავი ფერი და დიდი ზომის სამოსი ჭარბობდა. სტატიაში ბალენსიაგას კოლექციიდან რამდენიმე სამოსს გთავაზობთ:

ბოლო ამბები:

გირჩევთ

ბალენსიაგამ პარიზის მოდის კვირეულზე ახალი კოლექცია წარადგინა — ნახეთ ფოტოები

კომენტარები

კვირის ტოპ-5

გირჩევთ

ახლა კითხულობენ