ახალი ამბები On.ge

დევიდ კრამერი

4 Mar. 2023, 14:55

ახლა უკვე აღარ ვარ დარწმუნებული, მართლა სურს თუ არა საქართველოს მთავრობას, რომ ამ დასავლური მიმართულებით წავიდეს და თუ მაინც სურთ, მაშინ ეს არასწორი ნაბიჯია. ასე რომ, ვფიქრობ, რამდენიმე მიზანი არსებობს ამ კანონპროექტის მიღებისთვის, არცერთი მათგანი პოზიტიური არ არის.

დიდი ხანია ვამბობ, რომ ინდივიდუალური სანქციები, რაც ნიშნავს ვიზაზე უარის თქმას და ანგარიშების გაყინვა, არის გზა, ნათელი გახდეს ამ ინდივიდუალური პირებისთვის, რომ მსგავსი ქმედებების მოთმენა არ მოხდება. ეს არ ხდება ქვეყნის თუ ქართველი ხალხის წინააღმდეგ, ეს არის მიზანმიმართული სანქციები კონკრეტული პირების წინააღმდეგ, ვინც საქართველოს ამჟამინდელ ტრაექტორიაზეა პასუხისმგებელი.

განაცხადა აშშ-ის სახელმწიფო მდივნის ყოფილმა თანაშემწემ, დევიდ კრამერმა VOA-თან ინტერვიუში. ქართული ოცნებიდან ფორმალურად წამოსული დეპუტატებით დაკომპლექტებულმა ანტიდასავლურმა მოძრაობამ, ხალხის ძალამ კანონპროექტი შეიმუშავა, რომლის მიზანიც მედიისა და არასამთავრობო ორგანიზაციების დისკრედიტაციაა. მათ სურთ, შეიქმნას "უცხოური გავლენის აგენტების რეესტრი", სადაც დარეგისტრირდება ყველა არასამეწარმეო იურიდიული პირი და მედიასაშუალება, რომელთა შემოსავლების 20%-ზე მეტი უცხოეთიდან ფინანსდება. მსგავსი კანონი მოქმედებს რუსეთში — ქართველი დეპუტატების მსგავსად, ოკუპანტი ქვეყნის საკანონმდებლო ორგანო მის მიღებას მოქალაქეების ინტერესების, ქვეყნის უსაფრთხოებისა და სუვერენიტეტის "უცხოური გავლენებისგან" დაცვის მოტივით ხსნიდა, საბოლოოდ, კი კრემლმა მედიების, ორგანიზაციებისა და თავისუფალი სიტყვის წინააღმდეგ გამოიყენა.

0 0

კომენტარები

კვირის ტოპ-5

  1. 17 იანვარს თბილისში თოვლია მოსალოდნელი — როგორი ამინდი იქნება საქართველოში 18 იანვრამდე?
  2. კადიროვმა, თირკმლის უკმარისობის შესახებ გავრცელებული ცნობების შემდეგ, ვიდეო გამოაქვეყნა
  3. სუს-მა "გაზპრომთან" დაკავშირებული კონტრაქტის დეტალების გასაჯაროების ფაქტზე გამოძიება დაიწყო
  4. ექსმაღალჩინოსნები საპყრობილეში — ვინ იმყოფება რუსთავის მე-12 დაწესებულებაში?
  5. "არ ესმით [შვილებს] რატომ უნდა დაიჭირონ მამა, რომელსაც ქვეყნისთვის კარგის მეტი არაფერი უკეთებია" — მარიამ თამაზაშვილი ირაკლი ღარიბაშვილის დაკავებაზე

გირჩევთ

ახლა კითხულობენ

გადახედვა

ყაველაშვილის ადმინისტრაციის ცნობით, დონალდ და მელანია ტრამპებმა მას და მის მეუღლეს შობა-ახალი წელი მიულოცეს

ოცნების დანიშნული პრეზიდენტის, მიხეილ ყაველაშვილის ადმინისტრაციის ცნობით, ამერიკის შეერთებული შტატების პრეზიდენტმა…