25 წლის გოგო მამის თირკმლის დონორი ისე გახდა, რომ კაცმა ამის შესახებ არაფერი იცოდა. ჯონ ივანოვსკის 2 წლის წინ ნეფროპათიის დიაგნოზი დაუსვეს, რომელიც თირკმლების ფუნქციონირების ნელ-ნელა შეჩერებას იწვევს. ჯონი წინააღმდეგი იყო, რომ შვილი მისი დონორი გამხდარიყო, ამიტომ 25 წლის დელეინს მამის მოტყუება მოუწია.

მამის წინააღმდეგობის მიუხედავად, დელეინი 9 თვის განმავლობაში საიდუმლოდ ინახავდა იმ ფაქტს, რომ დონორობაზე დათანხმდა. ამ პერიოდის განმავლობაში, შვილმა სხვადასხვა ტესტი და გამოკვლევა ჩაიტარა, რათა დონორობისთვის მომზადებულიყო და ბოლოს მამას თირკმელი მისგან ფარულად გადაუნერგა.

"თავიდანვე გადავწყვიტე ამის გაკეთება. არ მაინტერესებდა, ის ჩემზე გაბრაზდებოდა, თუ არა. ყოველ შემთხვევაში, ამის შემდეგ მამა ჯანმრთელად იცხოვრებს და აპარატზე შეერთებაც აღარ დასჭირდება", — განაცხადა დელეინმა.

მამამ ოპერაციის შემდეგ გაიგო, რომ თირკმლის"საიდუმლო" დონორი მისი შვილი ყოფილა. ამ მომენტის ვიდეო ტიკტოკზე ვირუსულად გავრცელდა და ათასობით ადამიანმა ჯონსა და მის შვილს მხარდაჭერა გამოუცხადა.

@delayne_i watch my dad find out that I was his anonymous kidney donor after keeping it a secret for 8 months 🥹 grab a tissue! ##fyp##kidneydonor ♬ original sound - Delayne

როგორც მოგვიანებით გაირკვა, მამა შვილის დონორობის წინააღმდეგი იმიტომ იყო, რომ მის შემდგომ ჯანმრთელობის მდგომარეობაზე ღელავდა. ახლა დეილინი ჯოს ერთადერთი შვილია,რადგან მისი მეორე შვილი 15 წლის წინ კიბოთი გარდაიცვალა. საბედნიეროდ, ოპერაციამ წარმატებით ჩაიარა და ახლა მამა-შვილი თავს კარგად გრძნობს.