ბრიტანული ტელეარხი Sky სულ მალე ახალი კომედიური სერიალის Sick Note-ის მეორე სეზონის გადაღებებს დაიწყებს.

პირველ სეზონში მთავარ როლს ჰარი პოტერის ვარსკვლავი რუპერტ გრინტი ასრულებდა, რომელსაც მეორე სეზონში ლინდსი ლოჰანიც შეუერთდა.

"ძალიან ბედნიერები ვართ ასეთი არაჩვეულებრივი შენაძენით. ლინდსი არაჩვეულებრივი და ნიჭიერი მსახიობია. მივესალმებით მას ბრიტანეთშიც და სერიალშიც", ამბობს სერიალის პროდიუსერი კინგ ბერტი.

სერიალის სიუჟეტი დენიელ გლასის (რუპერტ გრინტი) გარშემო ვითარდება. რომელსაც ექიმი სასიკვდილო დიაგნოზს დაუსვამს. სერიალში ნაჩვენებია გლასის ურთიერთობა მამასთან, მეგობრებთან, თანამშრომლებთან და ხელმძღვანელობასთან.