კულტურის მინისტრის გადაწყვეტილებით, გელათის სამონასტრო კომპლექსში მიმდინარე სამუშაოებს ამიერიდან საპატრიარქო უხელმძღვანელებს.

რატომ არის მნიშვნელოვანი: იანვრის ბოლოს გელათის ტაძრის შესახებ გიორგი ჩუბინაშვილის სახელობის ქართული ხელოვნების, ისტორიისა და ძეგლთა დაცვის ეროვნულმა კვლევითმა ცენტრმა დასკვნა გამოაქვეყნა.

  • დასკვნაში ნათქვამი იყო, რომ გელათის მოხატულ ტაძრებთან დაკავშირებული კრიზისი არაერთი წელია გრძელდება და კვლავ მოუგვარებელ პრობლემად რჩება, ხოლო მისი მართის ხარისხი შორს არის საერთაშორისო სტანდარტებისგან.
  • საქართველოს საპატრიარქომ სამონასტრო კომპლექსში არსებულ მდგომარეობას შემაშფოთებელი უწოდა და გელათის მინისტრისგან კონკრეტული ნაბიჯების გადადგმა მოითხოვა.

დეტალები: გადაწყვეტილების შესახებ ცნობილი ეროვნულ მუზეუმში გამართული შეხვედრის შემდეგ გახდა.

  • წულუკიანის თქმით, მისი მინისტრობის პერიოდში გელათის სამონასტრო კომპლექსში არსებული პრობლემების აქტიურად აღმოფხვრა დაიწყო.
  • საპატრიარქოსთან კონსულტაციის შემდეგ, კულტურის მინისტრის განცხადებით, გელათის სამონასტრო კომპლექსში პრობლემების აღმოფხვრის, კონსერვაციის და რესტავრაციის პროცესს მთლიანად საქართველოს საპატრიარქო გადაიბარებს.
  • სამინისტრო საპატრიარქოს ამ პროცესებისთვის საჭირო ფინანსებსაც გადასცემს.
  • "პრობლემების მოგვარებას გააგრძელებს საქართველოს საპატრიარქო", — აცხადებს წულუკიანი.