ინტერნეტში გავრცელდა აშშ-ის პრეზიდენტის კიევში ჩასვლის ამსახველი ფოტო-ვიდეო მასალა.

რატომ არის მნიშვნელოვანი: 10 თებერვალს ცნობილი გახდა, რომ აშშ-ის პრეზიდენტი, ჯო ბაიდენი 20-22 თებერვალს პოლონეთში ჩავიდოდა და კოლეგას, ანდჟეი დუდას შეხვდებოდა.

  • დღეს უკრაინის საგარეო საქმეთა სამინისტროს წარმომადგენელმა განაცხადა, რომ კიევში მნიშვნელოვან სტუმარს ელოდებიან, მაგრამ ვინაობა სიურპრიზად დატოვეს.
  • ბაიდენის კიევში მოულოდნელი სტუმრობა რუსეთის უკრაინაში ერთწლიანი შეჭრის თავზე მოხდა.

დეტალები: New York Times-ის ცნობით, ბაიდენი კიევში პოლონეთის საზღვრიდან მატარებლით ჩავიდა.

  • უსაფრთხოების ზომებიდან გამომდინარე, ბაიდენის ვიზიტი ბოლო წუთამდე გასაიდუმლოებული იყო.
  • პრეზიდენტის განცხადებით, სურს შეჭრის წლისთავზე უკრაინას ამერიკის ურყევი მხარდაჭერა დაუდასტუროს.