ამის შესახებ ინფორმაციას უკრაინული მედიები დაზვერვაზე დაყრდნობით ავრცელებენ.

რატომ არის მნიშვნელოვანი: არაერთხელ გავრცელდა ინფორმაცია, რომ რუსეთი ომის დაწყებიდან ერთი წლისთავზე გეგმავს, რომ უკრაინაში სრულმასშტაბიანად შეიჭრეს.

  • უკრაინის დაზვერვის მთავარი სამმართველოს წარმომადგენლის, ანდრეი ჩერნიაკის განცხადებით, რუსეთი გეგმავს თავისი ძალისხმევის გააქტიურებას აღმოსავლეთ უკრაინაში უახლოეს კვირებში.
  • მისი თქმით, რუსეთი ახლა "ცდილობს აღმოაჩინოს სისუსტეები ჩვენს თავდაცვაში".

დეტალები: ჩერნიაკის განცხადებით, რუსული ჯარების მთავარი მიზანი რჩება უკრაინის აღმოსავლეთში გარკვეული ტაქტიკური წარმატების მიღწევა.

  • ამბობს, რომ რუსეთი ზუსტი მართვადი იარაღის დეფიციტს განიცდის და ამის მიუხედავად, ის გააგრძელებს სარაკეტო ტერორის გამოყენებას უკრაინაში მშვიდობიანი მოსახლეობის წინააღმდეგ.
  • "რუსებმა უკვე გამოიყენეს მაღალი სიზუსტის რაკეტების 80%-ზე მეტი. პროდუქციის აღდგენას ცდილობენ, მაგრამ ჯერჯერობით არ გამოუვიდათ", — თქვა დაზვერვის სამმართველოს წარმომადგენელმა.