საგარეო საქმეთა სამინისტროს ინფორმაციით, ამის შესახებ საქართველოს ელჩს უკრაინის საგარეო უწყებაში განუცხადეს.

რატომ არის მნიშვნელოვანი: 24 იანვარს, ევროპეისკა პრავდასთან ინტერვიუში უკრაინის ელჩმა საქართველოში, ანდრეი კასიანოვმა განაცხადა, რომ გამორიცხული არ არის საქართველოდან მათი მოქალაქეების ევაკუაცია დაიწყონ, თუ მათ საფრთხე დაემუქრებათ საქართველოსა და რუსეთს შორის პირდაპირი ფრენების აღდგენისა და ოკუპანტი ქვეყნის მოქალაქეების მასობრივი შემოდინების გამო.

  • ელჩი ხაზს უსვამს, რომ ეს მხოლოდ რეალური საფრთხის შემთხვევაში მოხდება.
  • ამავე ინტერვიუში კასიანოვი ამბობს, რომ საქართველოს შემხვედრი ქმედებები რუსეთთან ძირს უთხრის ორი ქვეყნის თანამშრომლობას.

დეტალები: საგარეო უწყების განცხადებით, საქართველოს ელჩი, გიორგი ზაქარაშვილი უკრაინის საგარეო საქმეთა მინისტრის მოადგილეს, ევჰენ პერებიინის შეხვდა.

  • მათივე ინფორმაციით, მხარეებმა საქართველო-უკრაინის ორმხრივი ურთიერთობის მიმდინარე საკითხებზე ისაუბრეს.
  • "უკრაინის მხრიდან გამოითქვა მადლიერება უკრაინელი ლტოლვილების მიღებასთან დაკავშირებით და აღნიშნა, რომ უკრაინა და უკრაინის საგარეო საქმეთა სამინისტრო მადლობელია ქართული მხარის მიმართ, უკრაინის მოქალაქეების საქართველოში მიღებისა და მათი დახმარებისთვის და საქართველოში უკრაინის მოქალაქეების ყოფნასთან დაკავშირებით ვერანაირ საფრთხეს ვერ ხედავს, — აცხადებენ სამინისტროში.