ზოი სალდანას უამრავ კომერციულად წარმატებულ ფილმში მიუღია მონაწილეობა, მათ შორის, ავატარის, ვარსკვლავური გზისა და მარველის ფილმებში. ამის დამსახურებით ჰოლივუდის ერთ-ერთ ყველაზე მოთხოვნად მსახიობად მიიჩნევა დღეს, თუმცა ახლახან ვარსკვლავი ამ ყველაფერთან ერთად პირველი მსახიობიც გახდა, რომლის 4-მა სხვადასხვა ფილმმა სათითაოდ $2 მილიარდზე მეტი მოგება მოიტანა. ზოისთვის ეს იღბლიანი ფილმები Avatar: The Way of Water, Avatar, Avengers: Endgame და Avengers: Infinity War აღმოჩნდა.

ფოტო: Getty Images

ახლახან მსახიობმა თავისი ფილმების დადებით და უარყოფით მხარეებზე ღიად ისაუბრა — აღნიშნა, რომ უხარია საინტერესო რეჟისორებისა და მსახიობების გვერდით მუშაობა, რომლებიც დღეს მისი მეგობრები არიან, და ისეთი პერსონაჟების განსახიერება, რომლებიც მაყურებელს, განსაკუთრებით, კი ბავშვებს ძალიან უყვართ.

ფოტო: 20th Century Studios

ამის მიუხედავად, ზოის თქმით, ეს ყველაფერი მას სერიოზულ გამოცდილებასა და პროფესიულ ზრდას ვერ სთავაზობდა. მისი აზრით, მსახიობისთვის გამოწვევები და განვითარების შესაძლებლობა სხვადასხვა ჟანრსა და როლზე მუშაობას მოაქვს.

"ბოლო 10 წლის მანძილზე, მგონია, რომ პროფესიულად ვეღარ ვიზრდები. მგონია, ერთ ადგილზე ვარ გაჩერებული ამ ფილმების გამო."

მოგვიანებით მსახიობმა დაამატა, რომ მადლიერია, ამ ფილმებზე მუშაობის შესაძლებლობა რომ მიეცა.

ამავე თემაზე:

ზოი სალდანას თქმით, წარმატებული ფილმების შემდეგ პროფესიულად ვეღარ იზრდებოდა