ზოი სალდანას უამრავ კომერციულად წარმატებულ ფილმში მიუღია მონაწილეობა, მათ შორის, ავატარის, ვარსკვლავური გზისა და მარველის ფილმებში. ამის დამსახურებით ჰოლივუდის ერთ-ერთ ყველაზე მოთხოვნად მსახიობად მიიჩნევა დღეს, თუმცა, როგორც აღმოჩნდა, თავად ზოის აზრით, პროფესიულად ვეღარ იზრდება. მსახიობმა თავისი ფილმების დადებით და უარყოფით მხარეებზე ღიად ისაუბრა. მისი თქმით, პირველ რიგში, უხარია, რომ ისეთ რეჟისორებთან მუშაობის შესაძლებლობა ჰქონდა, რომლებიც ყურადღებას მსახიობის ასაკს კი არა, მის ნიჭს აქცევენ

ფოტო: FilmMagic

"მიხარია, რომ ისეთი პროდიუსერებისა და შემოქმედების გვერდით ვმუშაობ, რომლისთვისაც ქალის ასაკს არ აქვს მნიშვნელობა და არ აქვთ ახალგაზრდობის ფეტიში," — განაცხადა ზოიმ ინტერვიუში.

მსახიობმა თავისი კინოპროექტების სხვა დადებით მხარეებზეც ღიად ისაუბრა: "მადლიერი ვარ იმ შესაძლებლობების, რომლებიც მომცეს. მიხარია, არაჩვეულებრივ რეჟისორებთან მუშაობა რომ შევძელი, გავიცანი უამრავი მსახიობი, რომლებსაც დღეს მეგობრებს ვუწოდებ და ვითამაშე ისეთი როლები, რომლებიც ფანებს, განსაკუთრებით, ბავშვებს უყვართ."

ფოტო: 20th Century Studios

ფოტო: Marvel Studios

მიუხედავად, ამ ფილმების უზარმაზარი წარმატებისა და საზოგადოების სიყვარულისა, ზოი სალდანას თქმით, ეს ყველაფერი მას სერიოზულ გამოცდილებასა და პროფესიულ ზრდას ვერ სთავაზობდა.

"არ შემეძლო, გავზრდილიყავი და საკუთარი თავისთვის გამოწვევები შემეთავაზებინა, რაც სხვადასხვა ჟანრსა და როლში თამაშს მოაქვს," — გულწრფელად განაცხადა მსახიობმა.