პატრიარქი კირილე მიიჩნევს, რომ რუსეთის მართლმადიდებელი ეკლესიის ვალია, მეტად დაეხმაროს რუს სამხედროებს.

რატომ არის მნიშვნელოვანი: რუსეთის მართლმადიდებლური ეკლესიის მეთაური უკრაინაში რუსეთის შეჭრის შემდეგ მხარს უჭერს ომს და ამართლებს მოტივებს.

  • გაზაფხულზე უკრაინის მართლმადიდებლურმა ეკლესიამ მოსკოვის საპატრიარქოსგან დამოუკიდებლობა გამოაცხადა.

დეტალები: რუსეთის პატრიარქი არც სასულიერო პირების ბრძოლაში უშუალო მონაწილეობის წინააღმდეგია.

  • "თუ შესაძლებელია, თავადაც წადით", — მიმართა მან მღვდელმთავრებს.
  • ამასთან, დაავალა მათ თავიანთი მრევლის მობილიზაცია.
  • "თუ ჩვენ ვამბობთ, რომ ეკლესია თავის ხალხთანაა, მაშინ მრევლი უნდა დაეხმაროს მათ, ვინც ფრონტის ხაზზეა. ჩვენ უნდა მოვახდინოთ ჩვენი მრევლის მობილიზება ნივთებისა და საკვების შესაგროვებლად. მოიძიეთ რესურსები, შეაგროვეთ ფული, გაგზავნეთ ამანათები", — განაცხადა პატრიარქმა ნათლისღების საკათედრო ტაძარში სადღესასწაულო ტრაპეზის დროს.

ამასთანავე, რუსეთის მართლმადიდებლური ეკლესიის მეთაურმა უკრაინის ომი შეადარა 1812 წლის სამამულო ომს, როდესაც "თითქმის მთელი ერთიანი ევროპა ცდილობდა რუსეთის დაპყრობას".

  • ახლა, კი პატრიარქის ინტერპრეტაციით, "მთელმა დასავლურმა სამყარომ ისევ აიღო იარაღი რუსეთის წინააღმდეგ".
  • კირილე მიიჩნევს, რომ "რუსეთი, რომელიც უარყოფს გლობალიზაციის ყველაზე უარეს გამოვლინებებს, მსოფლიოსთვის შუქურა გახდა" და დასავლეთში მცხოვრები ადამიანების გულებსაც კი იპყრობს.