რუსეთის საგარეო საქმეთა მინისტრმა ამის შესახებ ყოველწლიურ დასკვნით პრესკონფერენციაზე ისაუბრა.

რატომ არის მნიშვნელოვანი: მას შემდეგ, რაც უკრაინაში შეჭრის გამო მსოფლიომ რუსეთი სანქციების ქვეშ მოაქცია, საქართველო მას არ შეუერთდა.

  • ღარიბაშვილმა არაერთხელ თქვა, რომ რუსეთისთვის სანქციების დაწესებას არ აპირებენ, მიზეზად კი ქვეყნის "ეროვნული ინტერესები" დაასახელა.

დეტალები: ლავროვის თქმით, ხედავენ, რომ საქართველო, ისევე, როგორც სხვა ქვეყნები "ზეწოლის ქვეშ არიან", რადგან დასავლეთი მათგან რუსეთის წინააღმდეგ სანქციების დაწესებას ითხოვს.

  • "ის, რომ არც ისე დიდ ქვეყანას და მის მთავრობას აქვს სიმამაცე, თქვან, რომ ისინი იხელმძღვანელებენ საკუთარი ინტერესებით, საკუთარი ქვეყნის ინტერესებით, ეს იწვევს პატივისცემას", — ამბობს ის.