პროკურატურის განცხადებით, განაჩენი თელავის რაიონულმა სასამართლომ გამოიტანა.

რატომ არის მნიშვნელოვანი: თელავის რაიონულმა სასამართლომ ბრალდებული სრულად ცნო დამნაშავედ ოჯახის წევრის მიმართ სექსუალური ხასიათის სხვაგვარი ქმედების ჩადენის და არასრულწლოვანი ოჯახის წევრის გაუპატიურების საქმეში;

  • ასევე ოჯახში ძალადობის, არასრულწლოვანების მიმართ და თანდასწრებით ოჯახის წევრის მიმართ ჩადენილი ძალადობის, ცემის, სისტემატური ძალადობის და ოჯახის წევრის მიმართ განხორციელებული მუქარის ფაქტებზე.

დეტალები: პროკურატურის ცნობით, სასამართლომ ბრალდებული ნაწილობრივ ცნო დამნაშავედ გაუპატიურების რამდენიმე ეპიზოდში, გაამართლა გაუპატიურების ორ ეპიზოდსა და გარყვნილი ქმედების ფაქტზე.

  • ამ გადაწყვეტილებას ბრალდების მხარე კანონით დადგენილ ვადაში სააპელაციოში გაასაჩივრებს.