კავშირების დამყარება თითოეული სტუდენტის კარიერისთვის, განსაკუთრებით საერთაშორისო უნივერსიტეტის სტუდენტისთვის, მნიშვნელოვანი ფაქტორია. სტუდენტი ხვდება ისეთ წინააღმდეგობებს, როგორებიცაა: ენობრივი ბარიერი, კულტურული განსხვავებულობა და ადგილობრივი დასაქმების ბაზრის შესაძლებლობების არ ცოდნა. ასეთ სიტუაციაში არსებული კავშირები გეხმარება სირთულეების დაძლევაში და ბევრ სარგებელს გთავაზობს.

პირველ რიგში, კონტაქტების დამყარება ქმნის პროფესიულ ურთიერთობებს იმ ადამიანებთან, რომლებიც შესაძლოა კარიერის განმავლობაში გახდნენ შენი მენტორები და დაგეხმარონ გზის გაკვალვაში. ეს ურთიერთობები შეიძლება იყოს პროფესორებთან, კურსდამთავრებულებთან ან ინდუსტრიის იმ წარმომადგენლებთან, რომელთაც შეუძლიათ მოგცენ ახალი იდეები და ხედვები პროფესიულ სფეროსთან დაკავშირებით. ამ კავშირების დამყარებით უკეთ გაიცნობ სამუშაო ბაზარს და მოთხოვნად გამოცდილებასა და უნარებს.

მეორე მნიშვნელოვანი სარგებელი, რაც შეიძლება კავშირებიდან მიიღო, არის ის სამუშაო ან სტაჟირების შესაძლებლობები, რომლებიც არ არის საჯაროდ გამოქვეყნებული. ბევრ კომპანიას ურჩევნია ისეთი თანამშრომელი აიყვანოს, ვის შესახებაც უკვე აქვთ ინფორმაცია მათთვის სანდო წყაროდან. ისეთი ადამიანების ყოლა, რომელთაც იციან შენი უნარები და შესაძლებლობები ზრდის სამსახურში ან სტაჟირებაზე აყვანის შესაძლებლობებს. ასევე კავშირების საშუალებით ინფორმაცია გექნება გამოუქვეყნებელ სამუშაო ვაკანსიებსა და სტაჟირებებზე და სხვა კანდიდატებთან შედარებით უფრო წინ იქნები.

კავშირების მესამე სარგებელი არის შენი ცოდნისა და უნარების განვითარება. პროფესიონალებთან და კურსდამთავრებულებთან ურთიერთობისას გაიგებ მათი გამოცდილების შესახებ და იმ დაბრკოლებების შესახებ რომელთა გადალახვაც მათ თავიანთ კარიერაში მოუწიათ. შესაძლებლობა გექნება ისწავლო შენს პროფესიაში არსებული სიახლეების შესახებ, მიიღო ახალი იდეები, რაც სამუშაო ბაზარზე კონკურენტუნარიანს გაგხდის.

ამ ყველაფერთან ერთად, ზემოაღნიშნული ზრდის შენს თვითდაჯერებულობას და აუმჯობესებს კომუნიკაციის უნარებს. პროფესიონალებთან და კურსდამთავრებულებთან ურთიერთობით განივითარებ შედეგიანი კომუნიკაციის უნარს, რაც მნიშვნელოვანია ნებისმიერი კარიერისთვის.

მაშ, როგორ შეგიძლია დაიწყო კონტაქტების შეძენა, როგორც საერთაშორისო სტუდენტს? აქ არის რამდენიმე რჩევა:

● დაესწარი კარიერის გამოფენებს და მსგავს ღონისძიებებს (career fairs and networking events), რომელსაც ბევრი უნივერსიტეტი აწყობს, რაც სტუდენტებს აძლევს პროფესიონალებთან და კურსდამთავრებულებთან ურთიერთობის შესაძლებლობას. დაესწარი ამ ღონისძიებებს და შეეცადე ისაუბრო რაც შეიძლება მეტ ადამიანთან.

● შეუერთდი სტუდენტურ ორგანიზაციებსა და კლუბებს: სტუდენტური ორგანიზაციები და კლუბები შესანიშნავი გზაა თანამოაზრეებთან შესახვედრად და შენი კონტაქტების შესაგროვებლად. შენ ასევე შეგიძლია ჩაერთო საზოგადოებრივ სამსახურში ან გახდე მოხალისე, რაც დაგეხმარება შენი უნარების განვითარებაში და პოზიტიური გავლენის მოხდენაში შენს გარშემომყოფებზე.

● გამოიყენე სოციალური მედია: სოციალური მედიის პლატფორმები, როგორიცაა LinkedIn, შესანიშნავი გზაა პროფესიონალებთან და კურსდამთავრებულებთან დასაკავშირებლად. შეგიძლია შეუერთდე შესაბამის ჯგუფებს, მონაწილეობა მიიღო დისკუსიებში და გააზიარო შენი აზრები და იდეები.

დასასრულს, კონტაქტები ნებისმიერი სტუდენტის კარიერის არსებითი ასპექტია და ის კიდევ უფრო გადამწყვეტი ხდება, როდესაც შენ სწავლობ საერთაშორისო უნივერსიტეტში. პროფესიული ურთიერთობების დამყარებით, სამუშაოსა და სტაჟირების შესაძლებლობების იდენტიფიცირებით და შენი უნარებისა და ცოდნის განვითარებით, შეგიძლია გადალახო საზღვარგარეთ სწავლის გამოწვევები და გააუმჯობესო შენი კარიერული პერსპექტივები. ასე რომ, შეეცადე სწორად გამოიყენო კონტაქტები და ისარგებლო შენთვის ხელმისაწვდომი შესაძლებლობებით.

ნებისმიერი ინგლისურენოვანი უნივერსიტეტის სააპლიკაციო პროცესში დასახმარებლად, ასევე SAT, IELTS, TOEFL კურსებისთვის მოსამზადებლად, შეგიძლია დაუკავშირდე განათლების ცენტრ LEAF-ს.

LEAF უკვე მე-14 წელია ეხმარება ქართველ აპლიკანტებს. ცენტრის ასობით სტუდენტს აქვს მოპოვებული სრული ან ნაწილობრივი დაფინანსება უცხოურ უნივერსიტეტებში, როგორიცაა Columbia University, Yale University, Harvard University, New York University, Oxford University, Hult University.

LEAF პარტნიორ უნივერსიტეტებთან სააპლიკაციო პროცესში დახმარებას უფასოდ გაგიწევს.

ვიზიტის ჩასანიშნად დაუკავშირდი ნომერზე: 032 294 61 74