საქართველოსა და უკრაინაში ბუბას ემშვიდობებიან — რას წერენ პოლიტიკოსები და არტისტები
ცნობილი მომღერალი და მსახიობი დღეს, 84 წლის ასაკში გარდაიცვალა.
ვახტანგ კიკაბიძე, მეტსახელად ბუბა იყო ვოკალურ-ინსტრუმენტული ანსამბლი "ორერას" დრამერი-მომღერალი, სცენარისტი, კინოსტუდია "ქართული ფილმის" მსახიობი და ჰქონდა წარმატებული მუსიკალური კარიერა.
- მონაწილეობდა ცნობილ ფილმებში, მიმინო, ვერის უბნის მელოდიები, არ დაიდარდო, შეხვედრა მთაში და მრავალი სხვა.
- იყო საქართველოსა და უკრაინის სახალხო არტისტი და თბილისის საპატიო მოქალაქე.
- საქართველოში მიღებული აქვს წმინდა გიორგის სახელობის გამარჯვების ორდენი, უკრაინაში კი იაროსლავ ბრძენის ორდენი.
- 2008 წელს მან არ მიიღო დმიტრი მედვედევის გაცემული "მეგობრობის ორდენი", გააუქმა კონცერტები და უარი თქვა რუსეთში მოღვაწეობაზე.
- უკრაინაში შეჭრის შემდეგაც ის ღიად გმობდა აგრესიასა და პუტინის პოლიტიკას და მხარს უჭერდა მეგობარ ქვეყანას.
სამძიმარი გამოხატეს, როგორც ქართველმა, ისე უკრაინელმა პოლიტიკოსებმა მმართველი გუნდიდან და ოპოზიციიდან, სომხეთისა და აზერბაიჯანის ლიდერებმა. თუმცა ამ დრომდე (ბოლო განახლება 23:07) არ გამოჩენილა საქართველოს პრეზიდენტი.
- კიკაბიძეს გამოსამშვიდობებელი პოსტები მიუძღვნეს რუსეთის მოქალაქეებმაც.
- "ვახტანგ კიკაბიძის მემკვიდრეობა, რომელიც თავისებურად სომეხი და ქართველი ხალხის მეგობრობას განასახიერებს, სამუდამოდ დარჩება კულტურის ისტორიაში", — წერს ნიკოლ ფაშინიანი ქართველი კოლეგისადმი გაგზავნილ წერილში.
- "ვახტანგ კიკაბიძე აზერბაიჯანის დიდი მეგობარი იყო. მისი შემოქმედება ყოველთვის სარგებლობდა აზერბაიჯანელი ხალხის სიყვარულით და მის პიროვნებას დიდი პატივისცემითა და სიმპათიით ეპყრობოდნენ", — წერენ აზერბაიჯანის პრეზიდენტი და პირველი ლედი.
მმართველი გუნდი: პრემიერმინისტრმა მწუხარება გამოთქვა და დაწერა, რომ ჩვენი ქვეყნის მრავალი თაობისათვის კიკაბიძის, როგორც მსახიობის, სახელი დაკავშირებულია არაერთ საყვარელ პერსონაჟთან, რომლებმაც დროს გაუძლო და კიდევ დიდხანს გაახარებს მაყურებელს.
- "დიდია ბუბა კიკაბიძის დამსახურება კინემატოგრაფიაში, ქართული საესტრადო მუსიკის განვითარებაში. იგი იყო არაერთი ჯილდოსა და პრემიის მფლობელი, თუმცა მთავარი ის დიდი სიყვარულია, რაც მაყურებელს და მსმენელს დაუტოვა", — დაპოსტა კახა კალაძემ.
- "მან, საესტრადო თუ კინო როლებით შექმნა საკუთარი ისტორია, რითაც მოიპოვა მსმენელისა და მაყურებლის დიდი სიყვარული. ვიზიარებ ოჯახის, ახლობლების, მეგობრების და ყველა იმ ადამიანის გულისტკივილს ვისაც ბუბა კიკაბიძე და მისი ხელოვნება უყვარდა", — წერს გოგი მეშველიანი.
- "ჩვენი უნიკალური ურთიერთობების კალეიდოსკოპს მუდამ ალამაზებდნენ, ამშვენებდნენ და აფართოებდნენ ჩვენი ერების ბრწყინვალე წარმომადგენლები და დღეს, მარადისობაში გადასული ბუბა კიკაბიძე, ამ კალეიდოსკოპის კაშკაშა, ყველასთვის საყვარელი ნაწილად დარჩება", — ამბობს ისრაელში საქართველოს ელჩი, ლაშა ჟვანია.
- "კულტურის სამინისტრო ღრმა მწუხარებას გამოთქვამს საქართველოს სახალხო არტისტის, ვახტანგ (ბუბა) კიკაბიძის, გარდაცვალების გამო. ბუბა კიკაბიძე 1938 წელს დაიბადა. იგი გახლდათ ყველასათვის საყვარელი მომღერალი, მსახიობი, რეჟისორი, სცენარისტი", — წერს უწყება და მის ბიოგრაფიას აქვეყნებს.
- "მის მიერ შესრულებული როლები ქართული კინოს ისტორიას გამორჩეულ საშემსრულებლო სახედ დარჩება. ვუთანაგრძნობ მის ოჯახს, მეგობრებს და ახლობლებს. ბუბა კიკაბიძეს ქართველი ხალხის დიდი სიყვარული გაჰყვა", — წერს დიმიტრი ხუნდაძე.
ნაციონალური მოძრაობა: პარტიის თავმჯდომარემ დაწერა, რომ საქართველო ემშვიდობება აღიარებულ კინოვარსკვლავს, დაუვიწყარ მომღერალსა და უბრალოდ, ამ ქვეყნის ღირსეულ მოქალაქეს.
- "ბუბა სარგებლობდა აბსოლუტური ცნობადობითა და საყოველთაო პოპულარობით ჯერ მთელ საბჭოთა კავშირში, შემდეგ კი მთელ პოსტსაბჭოთა საივრცეში, მაგრამ მიუხედავად ამისა, რუსეთ-საქართველოს ომის შემდეგ, უარი თქვა მრავალმილიონიან აუდიტორიაზე და პუტინს ყველაზე თამამად და ყველაზე ხმამაღლა უთხრა რომ სამშობლო არ იყიდება, არ ხურდავდება არც ტაშზე და არც ფულზე", — ასე დაემშვიდობა მას ნიკა მელია.
- "ვგლოვობ ჩემს საუკეთესო მეგობარს", — ეს წინადადება და ფოტო ექსპრეზიდენტის ფეისბუქგევრდზე გამოქვეყნდა.
- "ძალიან, ძალიან სევდიანია ბუბას გარდაცვალება. რამდენიმე დღის წინ ვნახე სახლში, უკვე აღარ იყო კარგად, მაგრამ ის ნაპერწკალი მაინც თვალში ჰქონდა.
საყვარელი და ტკბილი ბუბა", — წერს ხატია დეკანოიძე.
უკრაინა: სამძიმრის განცხადებები გამოაქვეყნეს უკრაინის პრეზიდენტმა, უმაღლესმა რადამ, საელჩომ და არაერთმა ოფიციალურმა პირმა.
- "ვახტანგ კიკაბიძე. მეგობარი, რომელიც ყოველთვის გვერდით იყო. დიდი ერის დიდი ადამიანი. ლეგენდა, რომელსაც ყველა შევყურებდით. ნათელი ხსოვნა ხელოვანს და სამძიმარი მის ახლობლებს", — ასე ემშვიდობება ბუბა კიკაბიძეს უკრაინის პრეზიდენტი.
- "გარდაიცვალა გულწრფელი, მგრძნობიარე და კეთილგანწყობილი ადამიანი, რომელიც ყოველთვის მხარს უჭერდა უკრაინას აგრესორი რუსეთის წინააღმდეგ ბრძოლაში", — აღნიშნავს საელჩო.
- "ვახტანგი უკრაინის დიდი მეგობარი იყო. მშვიდად განისვენე სინათლის ადამიანო", — წერს პრეზიდენტის ადმინისტრაციის უფროსი.
- "ვახტანგ კიკაბიძემ სიტყვითა და საქმით ყველანაირად დაუჭირა მხარი უკრაინას და დაგმო რუსეთის შემოჭრა ჩვენს ქვეყანაში", — აცხადებენ უმაღლეს რადაში.
- "უკრაინის მეგობარი, საკულტო ქართველი მსახიობი, რეჟისორი და მომღერალი, უკრაინის დამსახურებული არტისტი ვახტანგ კიკაბიძე გარდაიცვალა. მან დიდი წვლილი დატოვა კინოსა და ისტორიაში, როგორც პატიოსანმა და გაბედულმა ადამიანმა, რომელიც ღიად ეწინააღმდეგებოდა პუტინის რეჟიმს", — წერს კულტურის მინისტრი.
- "ლეგენდა წავიდა. ყოველთვის მხარს უჭერდა უკრაინას, ღიად აკრიტიკებდა პუტინს და სძულდა ყველაფერი რაც "რუსულ სამყაროს" უკავშირდებოდა", — განაცხადა შს მინისტრის მრჩეველმა.
- "საქართველოს დიდი შვილი და უკრაინის მეგობარი - ვახტანგ კიკაბიძე გარდაიცვალა. ჩვენ ის ყველას გვახსოვს, როგორც პატიოსანი, წესიერი და უბრალო ადამიანი", — ამბობს ალექსეი გონჩარენკო.
მომღერლები: ნოდიკო ტატიშვილი აღნიშნავს, რომ საოცარი მოგონებები და წარუშლელი პერიოდი დარჩა, რომელიც ცხოვრებაში და სცენაზე მასთან ერთად გაატარა.
- "ვერის უბნის მელოდიებში" ის დიდი პავლე იყო — მე პატარა, თუმცა არასდროს გაგრძნობინებდა რომ ის ნამდვილად დიდი იყო და სინამდვილეში ლეგენდა!" — იხსენებს ტატიშვილი.
- "დიდი მადლობა", — წერს ნინო ქათამაძე.
- "კიდევ ერთი აუნაზღაურებელი დანაკარგი. ეს რა დღეებია. ჩვენი ძვირფასი ვახტანგ კიკაბიძე უკეთეს სამყაროში წავიდა. დიდებული ღირსებისა და ნიჭის კაცი. ახლა ერთმანეთს საქართველოში უნდა შევხვედროდით. ღრმა მწუხარება ჩემგან და ალასგან და ახლობლებს", — წერს კომიკოსი და შემსრულებელი მაქსიმ გალკინი.
სუხიშვილები: მწუხარებას გამოვთქვამენ ლეგენდარული მსახიობისა და მომღერლის, მათი ოჯახის სამივე თაობის მეგობრისა და ანსამბლის დიდი გულშემატკივრის გარდაცვალების გამო.
- "მისი სახით საქართველომ დაკარგა არა მხოლოდ გამორჩეულო ხელოვანი, კეთილშობილებით სავსე ადამიანი, არამედ ჩვენი ქვეყნის დიდი პატრიოტი. მარადიული იქნება მისი ხსოვნა", — წერენ პოსტში.
მასალა განახლდება
-
გადახედვაატაკამის უდაბნოს მიწისქვეშ, 4 მეტრ სიღრმეში, მიკრობული სიცოცხლე აღმოაჩინეს ატაკამის უდაბნოს მიწისქვეშ, 4 მეტრ სიღრმეში, მიკრობული სიცოცხლე აღმოაჩინეს
-
გადახედვავცხოვრობთ თუ არა სიმულაციაში — მეცნიერის თქმით, მან ამის მტკიცებულებას მიაგნო ვცხოვრობთ თუ არა სიმულაციაში — მეცნიერის თქმით, მან ამის მტკიცებულებას მიაგნო
-
გადახედვამეცნიერებმა ალმასი სულ რაღაც 150 წუთში შექმნეს მეცნიერებმა ალმასი სულ რაღაც 150 წუთში შექმნეს
-
გადახედვაLIO with ILA — ქართული მუსიკალური პროექტი, რომლის სიმღერა პროტესტის ჰიმნად იქცა LIO with ILA — ქართული მუსიკალური პროექტი, რომლის სიმღერა პროტესტის ჰიმნად იქცა
-
გადახედვა126 სამოქალაქო და მედიაორგანიზაცია ხელისუფლებასთან თანამშრომლობას წყვეტს 126 სამოქალაქო და მედიაორგანიზაცია ხელისუფლებასთან თანამშრომლობას წყვეტს
-
გადახედვაკროსვორდი: გამოიცანი ევროპის ქალაქი ღირშესანიშნაობით კროსვორდი: გამოიცანი ევროპის ქალაქი ღირშესანიშნაობით
-
-
გადახედვაჰაბლის მონაცემებში 1000-ზე მეტი ახალი ასტეროიდი აღმოაჩინეს ჰაბლის მონაცემებში 1000-ზე მეტი ახალი ასტეროიდი აღმოაჩინეს
-
გადახედვამანჯგალაძე: მინდა იცოდეს ყველამ, ვინც აპირებს 29 აპრილის აქციაზე მისვლას, ეს არ არის უბრალოდ თბილისში გასეირნება, ეს არის ღალატში თანამონაწილეობა მანჯგალაძე: მინდა იცოდეს ყველამ, ვინც აპირებს 29 აპრილის აქციაზე მისვლას, ეს არ არის უბრალოდ თბილისში გასეირნება, ეს არის ღალატში თანამონაწილეობა
-
გადახედვანიკა გვარამია : სრული კატასტროფა — რუსული კანონის გამო, ევროპარლამენტი საქართველოსთან უვიზო მიმოსვლის გადახედვას ითხოვს ნიკა გვარამია : სრული კატასტროფა — რუსული კანონის გამო, ევროპარლამენტი საქართველოსთან უვიზო მიმოსვლის გადახედვას ითხოვს
-
გადახედვათვითმკვლელობამდე მიყვანის და ადევნების ფაქტებზე ერთ პირს ბრალდება წარედგინა თვითმკვლელობამდე მიყვანის და ადევნების ფაქტებზე ერთ პირს ბრალდება წარედგინა
-
გადახედვაჯო ბაიდენმა TikTok-ის აკრძალვის კანონპროექტს ხელი მოაწერა ჯო ბაიდენმა TikTok-ის აკრძალვის კანონპროექტს ხელი მოაწერა
-
გადახედვატროლები და ბოტები: როგორ გამოვააშკარაოთ ყალბი პროფილები — ინტერვიუ ანი ქისტაურთან ტროლები და ბოტები: როგორ გამოვააშკარაოთ ყალბი პროფილები — ინტერვიუ ანი ქისტაურთან
-
გადახედვავენეციაში შესასვლელად €5 უნდა გადაიხადოთ ვენეციაში შესასვლელად €5 უნდა გადაიხადოთ
-
გადახედვადააკავეს საქართველოს 4 მოქალაქე, რომლებმაც ევროკავშირის ქვეყნების ბიბლიოთეკებიდან ძვირადღირებული წიგნები მოიპარეს დააკავეს საქართველოს 4 მოქალაქე, რომლებმაც ევროკავშირის ქვეყნების ბიბლიოთეკებიდან ძვირადღირებული წიგნები მოიპარეს
-
გადახედვაორბანი მიიჩნევს, რომ კობახიძე პოლიტიკაში დიდი მოჭადრაკეა, მას გროსმაისტერის უნარები აქვს — რა თქვეს ლიდერებმა უნგრეთში, კონფერენციაზე ორბანი მიიჩნევს, რომ კობახიძე პოლიტიკაში დიდი მოჭადრაკეა, მას გროსმაისტერის უნარები აქვს — რა თქვეს ლიდერებმა უნგრეთში, კონფერენციაზე
-
-
გადახედვაემა სტოუნს უნდა, თავისი ნამდვილი სახელი დავუძახოთ ემა სტოუნს უნდა, თავისი ნამდვილი სახელი დავუძახოთ
-
გადახედვახატია დეკანოიძე: 29 აპრილს იქნება აქცია "რუსული მარში" რუსული კანონის დასაცავად ხატია დეკანოიძე: 29 აპრილს იქნება აქცია "რუსული მარში" რუსული კანონის დასაცავად
-
გადახედვაროგორი ამინდი იქნება საქართველოში უქმეებზე როგორი ამინდი იქნება საქართველოში უქმეებზე
-
კომენტარები