Yeti Airlines-ის თვიმთფრინავზე, რომელიც შიდა რეისს ასრულებდა, 72 ადამიანი იმყოფებოდა — 68 მგზავრი და ეკიპაჟის ოთხი წევრი.

დეტალები: სამგზავრო თვიმთფრინავი ქალაქ პოხარასთან, ნეპალის ცენტრალურ ნაწილში ჩამოვარდა.

  • რამდენიმე საათის წინ 40 ადამიანის გარდაცვალებაზე იყო ცნობილი, ახლა კი საერთაშორისო მედია ოფიციალურ წყაროებზე დაყრდნობით 60-ზე მეტი დაღუპულის შესახებ წერს.
  • AP და Reuters სულ მცირე 68 დაღუპულზე იუწყება, The Guardian — 67.
  • ნეპალის სამოქალაქო ავიაციის სააგენტოს ცნობით, ბორტზე სამი ბავშვი და სამი ჩვილი იყო.

  • მგზავრებს შორის არიან უცხო ქვეყნის მოქალაქეები ავსტრალიიდან, საფრანგეთიდან, ირლანდიიდან და ინდოეთიდან.

ავიაკატასტროფის მიზეზები ჯერჯერობით უცნობია. თვითმფრინავი დედაქალაქ კატმანდუდან გაფრინდა.

  • ბოლოს დაუკავშირდა პოხარას აეროპორტს აფრენიდან დაახლოებით 18 წუთის შემდეგ.
  • და დანიშნულების ადგილიდან დაახლოებით 1,6 კილომეტრში ჩამოვარდა.
  • ეს არის ქვეყნის ყველაზე მძიმე ავიაკატასტროფა სამი ათწლეულის განმავლობაში.