ამის შესახებ დღეს, 14 იანვარს ენმ-ის ბათუმის ორგანიზაციის ხელმძღვანელმა, გიორგი კირთაძემ ისაუბრა.

რატომ არის მნიშვნელოვანი: ერთიანი ნაციონალური მოძრაობის წევრთა ნაწილმა 9 ნოემბერს შიდაპარტიული არჩევნები, მათ შორის, ახალი თავმჯდომარის არჩევა მოითხოვა.

  • თავმჯდომარეობის კანდიდატები არიან ნიკა მელია, ნონა მამულაშვილი, ლევან ხაბეიშვილი და გიორგი მუმლაძე.
  • არჩევნები 28-29 იანვარს ბლოკჩეინის სისტემით ჩატარდება.

დეტალები: ნიკა მელიას მხარდამჭერი შტაბის ხელმძღვანელი ბათუმში მირდატ ქამადაძე იქნება.

  • "მიმაჩნია, რომ ენმ იქნება და უნდა იყოს მთავარი ძალა, რომელიც შეძლებს ავტოკრატიული რეჟიმის ჩამოშლას და ამ ქვეყანაში პოლიტიკური მართლმსაჯულების დასრულებას. [...] წარმოდგენილ კანდიდატებში ნიკა მელია ყველაზე მეტად ასხივებს იმას, რომ მას შეუძლია დიდი ოპოზიციური ერთობის ორგანიზება", — განაცხადა კირთაძემ.

მირდატ ქამადაძემ თავის გამოსვლაში აქცენტი "კულისებიდან მართვაზე" გააკეთა და თქვა, რომ ეს მათ პარტიაში შეინიშნება.

  • "არავითარ შემთხვევაში არ უნდა დავუშვათ, რომ პარტიაში არაფორმალური მმართველობა იყოს, რის გამოც, ბიძინა ივანიშვილის წინააღმდეგ ვიბრძვით და ამ არაფორმალური მმართველობის საფრთხეები რომ იქნას თავიდან აცილებული, ამიტომ ნიკა მელია", — თქვა მან.