ინფორმაციას სამეგრელო-ზემო სვანეთის რწმუნებულის ადმინისტრაცია ავრცელებს.

რატომ არის მნიშვნელოვანი: რამდენიმე დღეა, დასავლეთ საქართველოში სტიქიას ებრძვიან.

  • ძლიერი ქარის გამო წაქცეული ხე ლანჩხუთში ავტომობილს დაეცა, შედეგად ერთი ადამიანი დაიღუპა, რამდენიმე მძიმედ დაშავდა სხვა რეგიონებშიც.
  • ქარმა დააზიანა ელექტროგადამცემი ხაზები და ბუნებრივი აირის მილები, რის გამოც ზოგიერთ რაიონს ამ დრომდე არ მიეწოდება გაზი და ელექტროენერგია.
  • დაზიანდა საცხოვრებელ სახლები, სასკოლო ინფრასტრუქტურა, საახალწლო ნაძვის ხეები და განათებები, წაქცეული ხეების გამო პერიოდულად იხერგებოდა გზებიც.

დეტალები: სახელმწიფო რწმუნებულის, გიორგი გუგუჩიას განცხადებით, ძლიერმა ქარმა სამეგრელოში 1100-მდე საცხოვრებელი სახლისა და 38 საცხოვრებელი კორპუსის სახურავი დააზიანა.

  • ასევე, სხვადასხვა სახის პრობლემა შეექმნა 37 სკოლასა და 6 საბავშვო ბაღს.
  • ძლიერი ქარის გამო დაზიანებულია წყლისა და გაზის მილები, ელექტროგადამცემი ხაზები, რის გამოც 50 ადმინისტრაციულ ერთეულს ამ დრომდე არ მიეწოდება ელექტროენერგია.
  • "ადგილობრივი ხელისუფლება ცენტრალურ მთავრობასთან კოორდინირებულად მუშაობს სტიქიის შედეგების სწრაფ ლიკვიდაციაზე. შექმნილია ზარალის დამთვლელი კომისიები და მიმდინარეობს ზარალის დათვლა", — აცხადებენ რწმუნებულის ადმინისტრაციაში.