ამის შესახებ ექსპრეზიდენტი ფეისბუქგვერდზე წერს.

რატომ არის მნიშვნელოვანი: მაგნიტსკის აქტი აშშ-ში 2012 წელს მიიღეს. აქტის სანქციების სამიზნე რუსეთის ის მოქალაქეები იყვნენ, რომლებიც, ვაშინგტონის აზრით, ადამიანის უფლებებსა და კანონის უზენაესობას არღვევენ.

  • თავდაპირველად სანქციები მიმართული იყო მათ წინააღმდეგ, ვინც 2009 წელს მოსკოვის ციხეში იურისტ სერგეი მაგნიტსკის მკვლელობაში იყვნენ ბრალდებულნი.

დეტალები: სააკაშვილი ბილ ბრაუდერს მოუწოდებს, ახალი სიის შექმნაში ქართულ ჯგუფებს დაეხმაროს მანამ, სანამ ლეტალური შედეგი დადგება.

  • "მე მკლავენ ციხეში ზუსტად ისე, როგორც მაგნისტკის, მაგრამ ბევრად უფრო აშკარად და საჯაროდ".
  • მისივე თქმით, ყველა სახელი საკმაოდ საჯაროა და რაც მათ დაუსჯელობის განცდა პუტინის დაუმარცხებლობის რწმენასთანაა დაკავშირებული.
  • "მაგრამ მე და შენ ვიცით, რომ პუტინის დღეები დათვლილია და ჩემი ყველაზე დიდი იმედი მის გარდაცვალებამდე სიცოცხლეა".
  • წერს, რომ მისი ჯანმრთელობა დღითიდღე უარესდება და ბროუდერს საკუთარი ინტელექტუალური შესაძლებლობებითა და ფართო კონტაქტებით დახმარებას სთხოვს.

მანამდე 22 დეკემბერს ბრაუდერმა დაწერა, რომ სააკაშვილი პოლიტპატიმარია, რომელიც "ჩვენს თვალწინ კვდება" და ეს საქართველოს ხელისუფლების პასუხისმგებლობაა.

  • აცხადებდა, რომ ექსპრეზიდენტს ევროპაში სასწრაფო სამედიცინო ევაკუაცია ესაჭიროება და თუ ასე არ მოხდება, ამას მხოლოდ მკვლელობა შეიძლება ეწოდოს.