რუსი დიქტატორის წლევანდელი მარცხების შესახებ Newsweek წერს.

რატომ არის მნიშვნელოვანი: დავიწყოთ ყველაზე მთავარი შეცდომით — ვლადიმერ პუტინის ამბიციური გეგმები მოკლე დროში უკრაინის ხელში ჩაგდების შესახებ არ განხორციელდა.

  • წარუმატებლობის ერთ-ერთი მაგალითია ისიც, რომ 10 წლის განმავლობაში პირველად, გააუქმა ყოველწლიური პრესკონფერენცია.
  • კოლექტიური უსაფრთხოების ხელშეკრულების ორგანიზაციის სამიტმაც არ ჩაიარა ისე, როგორც სურდა.
  • ამ შეხვედრის მასპინძელი სომხეთი იყო და ქვეყნის პრემიერ-მინისტრმა, ნიკოლ ფაშინიანმა ღიად თქვა უარი სამიტის დეკლარაციაზე ხელმოწერაზე.
  • ფაშინიანი პუტინს CSTO-ს ლიდერების ჯგუფური ფოტოს დროსაც კი დაშორდა.

დეტალები: მედიაღონისძიების გაუქმებამ გამოიწვია ჭორები, რომ ლიდერმა არ ისურვა უკრაინის შესახებ ჟურნალისტების კითხვებზე პასუხის გაცემა.

  • გამოცემა წყაროზე დაყრდნობით წერს, რომ რუსეთში უფრო და უფრო მეტი ადამიანი ეჭვქვეშ აყენებს უკრაინასთან ომს.
  • გამოცემის ცნობით, ინდოეთის პრემიერმინისტრმა, ნარენდრა მოდიმ დაწერა სტატია რუსული გაზეთისთვის, რომელშიც ომის შეწყვეტისკენ მოუწოდებდა, მოდი განსაკუთრებით აკრიტიკებდა ბრძოლას ტერიტორიებისა თუ რესურსებისთვის.
  • ჩინეთის ლიდერის სი ძინპინის განცხადებით, მას აქვს კითხვები და შეშფოთებულია ომთან დაკავშირებით.
  • გამოცემა წერს, რომ პუტინი "ისე იზოლირებულად გამოიყურება, როგორც არასდროს", რადგან რუსული ელიტის ბევრი წარმომადგენელი უკმაყოფილოა ომის მიმდინარეობით.