მათ პრეზიდენტ სალომე ზურაბიშვილთან განცხადება დღეს, 28 დეკემბერს შეიტანეს.

რატომ არის მნიშვნელოვანი: პეტიციის ავტორები სალომე ზურაბიშვილს სთხოვენ, გადადგას ნაბიჯი, რომელსაც საქართველოს სასიცოცხლო ინტერესები მოითხოვს.

  • ასევე, გამოიყენოს მის ხელთ არსებული კონსტიტუციური ბერკეტები ექსპრეზიდენტის გადასარჩენად და საქართველოს ევროპული პერსპექტივის დასაცავად.
  • "აღასრულეთ საქართველოს გონიერი და ჰუმანური მოქალაქეებისა და ჩვენი ქვეყნის საუკეთესო მეგობრების მოწოდება — მიხეილ სააკაშვილის გასათავისუფლებლად და ნიკა გვარამიას შესაწყალებლად".

ხელმომწერები პრეზიდენტს მიმართავენ, არ დაუშვას სააკაშვილის ციხეში წამებით მოკვლა და ქვეყანაში პოლიტიკურ შურისძიებაზე უარის თქმის პერსპექტივის გაქრობა.

  • "სასწრაფოდ იმოქმედეთ შემდგომი პოლარიზაციის და სახელმწიფოს დეჰუმანიზაციის წინააღმდეგ. მიიღეთ ერთადერთი სწორი გადაწყვეტილება — დამოუკიდებელი, პროდასავლური საქართველოს იდეისთვის, სადაც არავინ შეიძლება დევნონ, აწამონ და მოკლან ვლადიმირ პუტინის სცენარის მიხედვით".
  • "მოგიწოდებთ, შეასრულეთ საქართველოს პრეზიდენტის კონსტიტუციური, ისტორიული და ადამიანური ვალდებულება".

პეტიციის ერთ-ერთი ავტორი, თეონა ჭალიძე On.ge-სთან ამბობს, რომ ხელმომწერთა სია მრავალფეროვანია და მასში სხვადასხვა პოლიტიკური შეხედულებისა თუ პროფესიის ადამიანები არიან გაერთიანებული.

  • ხელმომწერებს შორისაა, თამარ ჭოხონელიძე, ნინო კასრაძე, ნინო ხარატიშვილი, ანა მიროტაძე, ელენე ხოშტარია, სევდია უგრეხელიძე, ცირა ელისაშვილი და სხვები.