გურჯაანის რაიონის სოფელ ბაკურციხის 3 045 300 ლარის ღირებულების კულტურის სახლი საპატრიარქოს გადაეცა. ინფორმაციას ამის შესახებ საზოგადოებრივი მაუწყებელი ავრცელებს.

გურჯაანის საკრებულოში ქონების გადაცემას დღეს, 5 ივნისს უყარეს კენჭი და გადაწყვეტილებას ერთი დეპუტატის გარდა ყველამ დაუჭირა მხარი. კულტურის სახლი, სამეწარმეო სახლის გახსნის მიზნით, ეკლესიას პირდაპირი განკარგვის წესით გადაეცა.

მაუწყებლის ინფორმაციით, ბაკურციხის კულტურის ცენტრი საქართველოს ბიუჯეტიდან და მსოფლიო ბანკის ორ მილიონ ლარიანი დაფინანსებით განახლდა.