შიმშილობას განაგრძობენ ენმ-ის წევრები, თემურ ჯანაშია, ანი წითლიძე და დავით კირკიტაძე.

რატომ არის მნიშვნელოვანი: მეოთხე დღეა, დეპუტატები პროტესტის უკიდურეს ფორმას მიმართავენ.

  • მათი განცხადებით, პროტესტის ამ ფორმას არ შეწყვეტენ, სანამ სააკაშვილს საზღვარგარეთ სამკურნალოდ არ გადაიყვანენ.
  • "არ უნდა დავუშვათ ჩვენს ქვეყანაში საქართველოს მესამე პრეზიდენტის სიკვდილი და არ უნდა გავხდეთ თანამონაწილენი ამ აქტისა უკვე მეორედ. ამისთვის მზად ვართ, გავაკეთოთ ყველაფერი", — განაცხადა გიორგი კირკიტაძემ.

დეტალები: თემურ ჯანაშიას განცხადებით, ისმაილოვს ბოლო ორი დღე მაღალი ტემპერატურა ჰქონდა.

  • "იგი გავუშვით სახლში, რადგან არ შეიძლებოდა უკვე მისი გაჩერება", — აღნიშნა დეპუტატმა.
  • ჯანაშიას თქმით, ყველა სხვა მოშიმშილე დეპუტატის ჯანმრთელობის მდგომარეობა სტაბილურია.
  • "ჩვენ ვართ მხნედ და დარწმუნებული ვარ, რომ საზოგადოების იმ ნაწილთან ერთად, რომელიც არ აპირებს შეეგუოს იმას, რაც ხდება პრეზიდენტ მიხეილ სააკაშვილის თავს, ამ დიდ უსამართლობას, აუცილებლად მივაღწევთ მიზანს", — განაცხადა დავით კირკიტაძემ.