ინფორმაციას საერთაშორისო მედიები ავრცელებენ.

რატომ არის მნიშვნელოვანი: ბოსნია და ჰერცეგოვინამ გაწევრიანებაზე განაცხადი 2016 წელს შეიტანა, რაც 2019 წელს ევროკომისიამ მოიწონა.

  • თუმცა კომისიამ იმ დროს ხაზგასმით აღნიშნა, რომ ევროკავშირში გაწევრიანების პროცესში წინსვლამდე ქვეყანას სჭირდებოდა პროგრესის მიღწევა 14 ძირითად პრიორიტეტულ სფეროში.
  • აღსანიშნავია, რომ რამდენიმე თვის წინ ევროკომისიამ ასოცირებული ტრიოს ქვეყნები განიხილა და მათ კანდიდატის სტატუსი მიანიჭა, საქართველოს კი — ევროკავშირში გაწევრიანების პერსპექტივა.

დეტალები: Euronews თქმით, ევროკავშირის გადაწყვეტილება ბოსნია და ჰერცეგოვინას კანდიდატის სტატუსის მინიჭებასთან დაკავშირებით, უნდა დაადასტუროს ბლოკის 27 ლიდერმა, რომლებიც ბრიუსელში შეიკრიბებიან.

  • მედია წერს, რომ კანდიდატის სტატუსი მეტწილად სიმბოლური აღნიშვნაა, რომელიც აღიარებს, რომ ბოსნია და ჰერცეგოვინა გაწევრიანების ხანგრძლივი და რთული პროცესი გაიარა, თუმცა გადაწყვეტილებას დიდ სტიმულს უწოდებს.
  • Politico წერს, რომ ევროკავშირის ქვეყნები დღეს, 13 დეკემბერს შეთანხმდნენ ბოსნია და ჰერცეგოვინას კანდიდატის სტატუსის მინიჭებაზე, გადაწყვეტილება კი, სავარაუდოდ, ოფიციალურად 15 დეკემბერს გამოცხადდება, როდესაც ევროკავშირის ლიდერები ბრიუსელში სამიტზე ჩავლენ.
  • გამოცემა იუწყება, რომ ევროკავშირში რეალურად გაწევრიანების გზა გრძელი რჩება დასავლეთ ბალკანეთის ყველა ქვეყნისთვის, ისევე როგორც მათი მეზობლებისთვის.

  • ავსტრიის ევროკავშირის მინისტრმა კაროლინ ედშტადლერმა ტვიტერზე დაწერა, რომ ბოსნია და ჰერცეგოვინას ევროკავშირის კანდიდატის სტატუსის მინიჭებაზე შეთანხმებით მოხარულია.

  • მისი თქმით, ეს ძლიერ სიგნალს უგზავნის დასავლეთ ბალკანეთის რეგიონს და უპირველეს ყოვლისა, ბოსნია და ჰერცეგოვინის მოქალაქეებს.

გარდა ამისა, აპრილში NATO-ს წევრები შეთანხმდნენ უკრაინის, საქართველოსა და ბოსნია და ჰერცეგოვინას მხარდაჭერის გაძლიერებაზე.

  • მინისტრები ასევე შეთანხმდნენ პრაქტიკული მხარდაჭერის გაძლიერებაზე რუსეთის აგრესიის საფრთხის წინაშე მყოფი სხვა პარტნიორებისთვის, მათ შორის საქართველოსა და ბოსნია და ჰერცეგოვინისთვის, რათა ხელი შეეწყოთ ქვეყნების უსაფრთხოების მდგრადობას.