ამის შესახებ ომის კვლევის ინსტიტუტის ანგარიშშია საუბარი.

რატომ არის მნიშვნელოვანი: გუშინ, 10 დეკემბრის ღამეს რუსეთმა ბოლო სამი კვირის განმავლობაში პირველად ოდესის ოლქში კრიტიკულ ინფრასტრუქტურაზე თავდასხმისთვის მასიურად გამოიყენა ირანული დრონები.

  • შედეგად, ოდესა, მიმდებარე სოფლები და ქალაქები ელექტროენერგიის გარეშე დარჩა — ენერგეტიკოსების შეფასებით, სისტემის აღდგენას, შესაძლოა, 3 თვემდე დასჭირდეს.
  • უკრაინის სარდლობამ ირანული დრონების გამოყენების "პაუზა" იარაღის არასრულყოფით ახსნა და განაცხადა, რომ ცივ ამინდში მისი ადეკვატურად მართვა ვერ ხერხდება.
  • მანამდე, ბრიტანულმა დაზვერვამ აღნიშნა, რომ ირანი რუსეთის უახლოესი სამხედრო მოკავშირე ხდება.

დეტალები: დასავლელი ანალიტიკოსების განმარტებით, თავდასხმებისთვის რუსული დრონების გამოყენების სიხშირის ზრდა, შესაძლოა, მიუთითებდეს იმაზე, რომ რუსეთმა ცოტა ხნის წინ მიიღო, ან უახლოეს მომავალში ელის ირანიდან დრონების ახალ პარტიას.

  • გარდა ამისა, ვარაუდობენ, რომ სამკვირიანი "პაუზის" განმავლობაში რუსეთმა დრონები განაახლა და უფრო ცივი ამინდისთვის მისი მოდერნიზება მოახდინა.
  • მიუთითებენ, რომ ე.წ. კამიკაძე დრონები კვლავ დიდ საფრთხეს წარმოადგენს, მიუხედავად იმისა, რომ უკრაინის საჰაერო თავდაცვამ მათი ჩამოგდება უკვე ისწავლა.