ეს მას შემდეგ მოხდა, რაც უკრაინამ მსოფლიო გააფრთხილა, რომ რუსეთი მიმდინარე ომში მსგავს ტაქტიკას იყენებს.

რატომ არის მნიშვნელოვანი: მასობრივმა შიმშილმა, ჰოლოდომორმა (Голодомор, შიმშილით სიკვდილი) 1932-33 წლებში 2 მილიონზე მეტი ადამიანის სიცოცხლე შეიწირა.

  • შიმშილობა გამოწვეული იყო საბჭოთა პოლიტიკით, რომელმაც კერძო მეურნეები იძულებით გააწევრიანა კოლექტიურ მეურნეობებში. არსებობს მოსაზრება, რომ ჰოლოდომორი ხელოვნურად იყო გამოწვეული უკრაინული ნაციონალიზმის ჩასახშობად.
  • უკრაინის უმაღლესმა რადამ ჰოლოდომორი უკრაინელი ხალის გენოციდად 2006 წელს აღიარა. 2008-2010 წლებში ევროკავშირმა და ევროპის საბჭომ ჰოლოდომორი კაცობრიობის წინაშე ჩადენილ დანაშაულად მიიჩნია.
  • ჰოლოდომორი არაერთ ქვეყანას აქვს აღიარებული, როგორც უკრაინელი ხალხის გენოციდი, მათ შორის საქართველოს, აშშ-ს, კანადას და სხვა.

დეტალები: რეზოლუციაში, რომელიც ბუნდესტაგმა მიიღო ნათქვამია, რომ ჰოლოდომორი იყო "დანაშაული კაცობრიობის წინააღმდეგ", რომელზეც პასუხისმგებელი იყო იოსებ სტალინი და საბჭოთა კავშირის პოლიტიკური ხელმძღვანელობა.

  • "რუსეთის ამჟამინდელი აგრესიული ომი უკრაინის წინააღმდეგ დგას ამ ისტორიულ ტრადიციაში", - თქვა CDU-ს დეპუტატმა, ვოლკერ ულრიხმა.

მანამდე, 23-24 ნოემბერს მოლდოვამ, ირლანდიამ და რუმინეთმა ჰოლოდომორი უკრაინელი ხალხის გენოციდად აღიარეს.

  • უკრაინის პრეზიდენტის, ვოლოდიმირ ზელენსკის განცხადებით, ჰოლოდომორის გენოციდად და კაცობრიობის წინააღმდეგ დანაშაულად აღიარება დღეს უფრო მნიშვნელოვანია, ვიდრე ოდესმე.