ჰოლივუდის მსახიობებს ისევე შესანიშნავად გამოსდით თავიანთი ფილმების პიარკამპანიაში ჩართვა და ქება, როგორც უშუალოდ კინოპროექტში მონაწილეობა და სხვადასხვა გმირის როლის მორგება. ამის გათვალისწინებით, საზოგადოება ალბათ ფიქრობს, რომ ვარსკვლავები ყოველთვის აღფრთოვანებულები არიან იმ როლებით, რომლებიც შეასრულეს, თუმცა ამ მსახიობების მაგალითზე დარწმუნდებით, რომ ეს ასე ნამდვილად არ არის.

მაშ ასე, ნახეთ ჰოლივუდის 6 მსახიობი, რომელსაც წარსულში შესრულებული როლი მაინცდამაინც გულზე არ ეხატება:

1. მეგან ფოქსი

მეგან ფოქსმა მსოფლიო პოპულარობა ტრანსფორმერების ფილმებში მონაწილეობით მოიპოვა, თუმცა, როგორც აღმოჩნდა, ამ პროექტზე მუშაობა მსახიობისთვის საკმაოდ არასასიამოვნო პროცესი იყო. მეგანს განსაკუთრებით არ მოსწონდა რეჟისორ მაიკლ ბეის დამოკიდებულება მის მიმართ.

"ნაპოლეონივითაა და უნდა, რომ რაღაც არანორმალური, გიჟი ტიპის რეპუტაცია შეიქმნას," — განაცხადა მსახიობმა მაიკლ ბეის მისამართით. — "'სექსუალური იყავი'. მსგავსი მითითებები ხშირად მიმიღია გადასაღებ მოედანზე. 'მაიკ, ვის ვესაუბრები? საით უნდა ვიყურებოდე?' ის კი მპასუხობს — 'უბრალოდ სექსუალური იყავი.' ვგიჟდები, როცა ადამიანები ასე მელაპარაკებიან."

2. ბლეიკ ლაივლი

ბლეიკ ლაივლი გახმაურებულ სერიალში ჭორიკანა კეთილი, თუმცა ქარაფშუტა სერენა ვან დერ ვუდსენის როლს ასრულებდა, რომელიც მაინცდამაინც არც ინტელექტითა და არც ემოციური სიმწიფით არ გამოირჩეოდა, სწორედ ამიტომ, როგორც აღმოჩნდა, ბლეიკს თავისი გმირი არ მოსწონდა.

"ხალხს მოსწონდა, თუმცა მე ყოველთვის ვგრძნობდი, თითქოს დიდ დათმობაზე მივდიოდი საკუთარ თავთან, როცა ამ როლს ვასრულებდი — მსურდა, უკეთესი მესიჯი გამეჟღერებინა ჩემი გმირის საშუალებით. ნამდვილად არ ვიამაყებდი, ისეთი ადამიანი ვყოფილიყავი, რომელიც ვიღაცას კოკაინს აძლევს და მის სიცოცხლეს საფრთხეში აგდებს, ვიღაცას ესვრის და სასიკვდილოდ ჭრის და ვიღაცის შეყვარებულთან სძინავს," — განაცხადა ბლეიკმა.

3. ზაკ ეფრონი

როგორც აღმოჩნდა, ზაკ ეფრონიც ნანობდა ძალიან პოპულარულ High School Musical-ში მონაწილეობას. მსახიობმა ტროი ბოლტონის როლის შესრულებით კი საყოველთაოდ გაითქვა სახელი, თუმცა ის ფაქტი აღარ მოსწონდა, რომ სულ მსგავს როლებს სთავაზობდნენ სხვადასხვა კინოპროექტში და მრავალფეროვანი არჩევანი არ ჰქონდა.

"ალბათ 17 წლის ვიქნებოდი და განვაცხადე, 'ხალხო, ხომ იცით, რომ ეს როლი არაა ის, რომლის შესრულებაც მთელი ჩემი ცხოვრება მინდა?' — 'მართლა?' — იყო მათი პასუხი."

4. ევანჯელინ ლილი

ევანჯელინ ლილიმ ყველას თავი შეაყვარა სერიალ Lost-ში ქეითის როლის შესრულებით, თუმცა, როგორც აღმოჩნდა, მსახიობი გაღიზიანებისგან ძლივს იკავებდა თავს, რომ სერიალის სცენარი კედლისთვის არ ესროლა.

"ჩემი გმირი სრული დამოუკიდებლობიდან — თავისი ისტორიის, გეგმებისა და თავგადასავლის ქონიდან — გადააქციეს ქალად, რომელიც ორ კაცს წინ და უკან დასდევდა კუნძულის ირგვლივ და ეს საშინლად მაღიზიანებდა."

5. ჯეიმი დორნანი

ჯეიმი დორნანი საზოგადოებამ კრისტიან გრეის როლის შესრულების შემდეგ გაიცნო და შეიყვარა, თუმცა, თავად მსახიობის თქმით, ძალიან არაკომფორტულად გრძნობდა თავს ამ გმირის განსახიერებისას.

"ჩემგან ძალიან შორს იყო ეს გმირი, და ხანდახან მიჭირდა ამასთან შეგუება."

6. შეილინ ვუდლი

შეილინ ვუდლის მაყურებელი Divergent-ის ფილმებიდან და სერიალიდან Big Little Lies იცნობს, თუმცა მანამდე მსახიობი წლების განმავლობაში The Secret Life of the American Teenager-ში მონაწილეობდა. როგორც შეილინი იხსენებს, ეს პროცესი მისთვის გამოწვევებით სავსე იყო და სცენარში ბევრ რამეს არ ეთანხმებოდა.

"ისეთი შეხედულებებისა და რწმენის გატარებას ცდილობდნენ, რაც ჩემი საკუთარისაგან ძალიან განსხვავდებოდა. ლეგალური თვალსაზრისით კი, მაინც ამ სერიალით ვიყავი შებოჭილი. მასზე მუშაობა დღემდე ყველაზე რთულ გამოცდილებად რჩება, რაც კი ოდესმე მიმიღია."

ამავე თემაზე:

6 მსახიობი, რომელსაც თავისი შესრულებული როლი მთელი გულით სძულს