ამის შესახებ პრეზიდენტის ოფისის ხელმძღვანელმა, ანდრეი ერმაკმა საერთაშორისო ფორუმზე სიტყვით გამოსვლისას ისაუბრა.

რატომ არის მნიშვნელოვანი: უკრაინისთვის საჰაერო ფარის შექმნაზე საუბარი ჯერ კიდევ სექტემბერში დაიწყო.

  • ეს ნიშნავს, რომ ქვეყანას უნდა გადაეცეს უახლესი საჰაერო თავდაცვის სისტემები, რომლებიც მას რუსული რაკეტებისა და თვითმფრინავებისგან დაიცავს.
  • უკრაინის ქალაქებზე რუსეთი ინტენსიურ სარაკეტო თავდასხმებს ახორციელებს.
  • მათი მთავარი სამიზნე კრიტიკული მნიშვნელობის ენერგეტიკული ინფრასტრუქტურაა, რის გამოც მოსახლეობის დიდი ნაწილი ელექტროენერგიის გარეშეა დარჩენილი.

დეტალები: ერმაკის განცხადებით, დეკლარაცია მიზნად ისახავს უკრაინის საზენიტო და რაკეტსაწინააღმდეგო თავდაცვის რთული, მრავალდონიანი სისტემის შექმნას.

  • "ჩვენ გვინდა ავაშენოთ ინტეგრირებული მრავალდონიანი საჰაერო და სარაკეტო თავდაცვის სისტემა უკრაინისთვის და ეს იქნება წვლილი მთელი ევროპის კონტინენტის საერთო საავიაციო უსაფრთხოებაში", — განაცხადა პრეზიდენტის ოფისის ხელმძღვანელმა.
  • მისივე თქმით, უკრაინას ეფექტური სარაკეტო თავდაცვა მოახლებული ზამთრის წინ უკიდურესად და ძალიან სწრაფად სჭირდება, ამიტომ დეკლარაციაზე მუშაობა უახლოეს მოკავშირეებთან ერთად უკვე დაწყებულია.