ამის შესახებ პრემიერმინისტრმა დენის შმიგალმა დღეს, 18 ნოემბერს განაცხადა.

რატომ არის მნიშვნელოვანი: პრემიერმინისტრის განცხადებით, მხოლოდ 15 ნოემბერს მოსკოვმა 100-მდე რაკეტა გაუშვა, რომელიც ძირითადად ენერგეტიკულ ინფრასტრუქტურაზე იყო მიმართული.

  • რუსეთის მასიური დარტყმების გამო უკრაინის ენერგეტიკული სისტემის თითქმის ნახევარი მწყობრიდან გამოვიდა.
  • შმიგალის თქმით, უკრაინას სჭირდება მხარდაჭერა ევროპელი პარტნიორებისგან ენერგეტიკის სექტორში, როგორიცაა დამატებითი აღჭურვილობის მიწოდება და დამატებითი ფინანსური დახმარება.

ამასთანავე, პრეზიდენტმა ვოლოდიმირ ზელენსკიმ განაცხადა, რომ რუსეთის თავდასხმების გამო ათ მილიონზე მეტი უკრაინელი ელექტროენერგიის გარეშე რჩება.

  • უკრაინის სახელმწიფო ქსელის ოპერატორმა Ukrenergo-მ მოსახლეობა "მძიმე დღეების" შესახებ გააფრთხილა.
  • 15 ნოემბერს, რუსეთმა უკრაინის ენერგოსისტემაზე ყველაზე დიდი შეტევა განახორციელა, რამაც მთელ ქვეყანაში ელექტროენერგიის გადაუდებელი გათიშვა გამოიწვია.