ანდრიუს კუბილიუსი წერს, რომ ევროპარლამენტის პოლიტიკურ ჯგუფებს შორის 4-საათიანი მოლაპარაკების შემდეგ მიაღწიეს შეთანხმებას ტექსტზე, რომლის ძირითადი ხაზი ეს არის: "ევროპარლამენტი აღიარებს რუსეთს, როგორც ტერორიზმის სახელმწიფო სპონსორს და როგორც სახელმწიფოს, რომელიც იყენებს ტერორიზმის საშუალებებს".

რატომ არის მნიშვნელოვანი: უკრაინის ოფიციალურმა პირებმა არაერთხელ განაცხადეს, რომ რუსეთი კანონიერად უნდა იყოს აღიარებული, როგორც მსოფლიოში ყველაზე დიდი ტერორისტული ორგანიზაცია.

  • ოფიციალური კიევი მოუწოდებს ყველა სახელმწიფოს და ორგანიზაციას, რომ მოსკოვი ტერორიზმის სპონსორ სახელმწიფოდ აღიარონ.

დეტალები: ლატვია უკრაინის შემდეგ პირველი ქვეყანაა, რომელმაც რუსეთს ეს სტატუსი მიანიჭა.

  • რუსეთი ტერორისტულ სახელმწიფოდ აღიარა ლიეტუვის პარლამენტმაც.
  • 13 ოქტომბერს ევროპის საბჭოს საპარლამენტო ასამბლეამ ახალ რეზოლუციაში რუსეთი ტერორისტულ რეჟიმად ცნო.
  • გარდა ამისა, აშშ-ის სენატმა მიიღო რეზოლუცია, რომელიც მოუწოდებს პრეზიდენტის ადმინისტრაციას, რუსეთი ტერორიზმის სპონსორ სახელმწიფოდ აღიაროს, თუმცა ბაიდენი მიიჩნევს, რომ ეს არასწორია.
  • რუსეთი იმუქრება, რომ თუ აშშ ამ გადაწყვეტილებას მიიღებს, დიპლომატიურ კავშირს გაწყვეტს.
  • აშშ-ის უშიშროების საბჭოს სტრატეგიული კომუნიკაციების კოორდინატორის განცხადებით, რუსეთისთვის პასუხისმგებლობის დასაკისრებლად ტერორიზმის სპონსორ სახელმწიფოდ გამოცხადება საუკეთესო და ყველაზე ეფექტური გზა არაა.