ამის შესახებ რუსეთის მართლმადიდებელი ეკლესიის ოფიციალურ განცხადებაშია საუბარი.

რატომ არის მნიშვნელოვანი: პატრიარქი კირილი პუტინთან დაახლოებული პირი და მისი პოლიტიკის გამტარებელია. ის უკრაინაზე თავდასხმასაც ამართლებს.

  • ევროკომისიამ მისთვის სანქციების დაწესების რეკომენდაცია ჯერ კიდევ მაისში გასცა.

დეტალები: რუსეთის პატრიარქი არ აკონკრეტებს, ვინ დაბლოკა მისი ევროკავშირში შესვლა, თუმცა გადაწყვეტილებას ეკლესიათა მსოფლიო საბჭოს პლენარულ ასამბლეას უკავშირებს.

  • "მიღებულია უპრეცედენტო გადაწყვეტილება: არ შეუშვან პატრიარქი ევროკავშირის ტერიტორიაზე. ეს ცივი ომის დროსაც კი არ მომხდარა", — აცხადებს რუსეთის მართლმადიდებელი ეკლესიის მეთაური.