ამის შესახებ მან ჟურნალისტებს დღეს, 16 ნოემბერს თავად განუცხადა.

რატომ არის მნიშვნელოვანი: 9 ნოემბერს ენმ-ის წევრთა ნაწილმა ყველა დონეზე შიდაპარტიული არჩევნები მოითხოვა. მათი თქმით, თავიდან უნდა აირჩიონ პოლიტიკური სამდივნო, პოლიტიკური საბჭო და საჭიროა თავმჯდომარის არჩევნებიც.

  • ენმ-ის თავმჯდომარემ, ნიკა მელიამ თქვა, რომ კოლეგებს ახალი არაფერი უთქვამთ და ამ საკითხებზე შიდაპარტიული, აქტიური, ყოველდღიური მსჯელობა მიმდინარეობდა კონსოლიდირებული პოზიციის ჩამოსაყალიბებლად.
  • ასევე, აღნიშნა რომ უახლოესი პერიოდი აუცილებლად გამოაჩენს რა იყო ამ საკითხის "ამ ფორმით, ასე ნაჩქარევად" გამოტანის რეალური მიზეზი და მიზანი, მაშინ, როცა ევროპარლამენტის განცხადებებზე უნდა ესაუბრათ.
  • დღეს ლევან ხაბეიშვილმა, რომელიც აქამდე ამბობდა, რომ არჩევნებში მონაწილეობას არ აპირებდა, განაცხადა, რომ ენმ-ს თავმჯდომარეობისთვის იბრძოლებს.

დეტალები: ჩალაძე ამბობს, რომ არჩევნებში კანდიდატურას აღარ დააყენებს და იწონებს ხაბეიშვილის განცხადებას სააკაშვილის საკითხებზე მომუშავე შტაბის შექმნაზე.

  • "პრეზიდენტ სააკაშვილის საკითხი არის ერთადერთი, რაზეც სრული კონცენტრირებაა საჭირო, სხვა დანარჩენი არის მეორეხარისხოვანი".
  • "აღარ დავაყენებ არჩევნებზე ჩემს კანდიდატურას", — განაცხადა ჩალაძემ.