ამის შესახებ უკრაინის პრეზიდენტმა, ვოლოდიმირ ზელენსკიმ ისაუბრა.

რატომ არის მნიშვნელოვანი: დიდი ოცეულის სამიტი 15-16 ნოემბერს ინდონეზიაში, ბალიში გაიმართება. სამიტი მსოფლიოს უდიდესი ეკონომიკის ქვეყნის ლიდერებს უმასპინძლებს.

  • ინდონეზიის საგარეო საქმეთა სამინისტროს პრესსპიკერის განცხადებით, 17 ქვეყნის წარმომადგენელმა უკვე დაადასტურა სამიტში მონაწილეობა.
  • რუსეთის უკრაინაში შეჭრის მიუხედავად, ინდონეზიის პრეზიდენტმა არ გააუქმა ვლადიმერ პუტინის დიდი ოცეულის სამიტზე მოწვევა.
  • არც კიევს და არც მოსკოვს ამ დრომდე ოფიციალურად მონაწილეობა არ დაუდასტურებია.
  • უსაფრთხოების ზომების გათვალისწინებით, ინდონეზია არ ასაჯაროებს დამსწრეთა ვინაობას.

დეტალები: კიევში გამართულ ბრიფინგზე, ზელენსკიმ განაცხადა, რომ "პირადად ჩემი და უკრაინის პოზიციაა, რომ თუ რუსეთის ფედერაციის პრეზიდენტი დაესწრება სამიტს, უკრაინა არ მიიღებს მონაწილეობას, ვნახოთ რა იქნება".

  • ზელენსკის სატელეფონო საუბარი ჰქონდა ინდონეზიის პრეზიდენტთან, სადაც დიდი ოცეულის სამიტის სამზადისის შესახებ და მარცვლეულის ხელშეკრულების გაგრძელების აუცილებლობაზე ისაუბრა.
  • პრეზიდენტმა ზელენსკიმ დასძინა, რომ უკრაინა ემზადება სამიტში მონაწილეობის მისაღებად.

ამასთანავე, პუტინის დასწრების შემთხვევაში, კითხვის ქვეშ დგება ვინ დაესწრება სამიტს.

  • "მკვლელებს და ომის დამნაშავეებს ჩვეულებრივ არ ხვდებიან ხოლმე და არც ბაიდენს სურს პუტინთან შეხვედრა", — განაცხადა უილიამ ტეილორმა, აშშ-ს ყოფილმა ელჩმა უკრაინაში.