დანილოვი მედვედევს: მოსკოვის ოკუპირებული ყველა ტერიტორია დაბრუნდება

1 Nov. 2022, 22:29

მედვედევს მოსანიშნად: ამობეჭდეთ, გაიმეორეთ ხმამაღლა დღეში სამჯერ — დილით, შუადღეზე და საღამოს, ტრადიციული 100 გრამი (დიდი ალბათობით უფრო მეტი) ძლიერი ალკოჰოლის დალევამდე და დალევის შემდეგ.

რუსეთი საბოლოოდ და შეუქცევადად წააგებს.

კრემლის რეჟიმმა ნებაყოფლობით წამოიწყო ნახევრად იმპერიისა და ყალბი ფედერაციის დაშლის პროცესი.

მოსკოვის მიერ ოკუპირებული ყველა ტერიტორია დაბრუნდება და ეს ეხება არა მარტო უკრაინას, არამედ საქართველოს, მოლდოვას, იაპონიას და სხვა ქვეყნებსა და ხალხებს. ბელორუსი იქნება თავისუფალი ქვეყანა, მათ შორის რუსი დამპყრობლებისგან.

რუსეთის ფედერაციის მიერ ბირთვული იარაღის მუქარა და გამოყენება თვითმკვლელობის აქტია. რუსეთი საბოლოოდ გადაიქცევა ნომერ პირველ მტრად მთელი მსოფლიოსთვის. შვილებსა და ცოლებს მარსზე ვერ დამალავთ და მეეჭვება უნდოდეთ, რუბლიოვკას, სარდინიასა და დუბაის სასახლეებიდან "პირდაპირ სამოთხეში" წასვლა.

სრული დენუკლეარიზაცია არის რუსეთის ფედერაციის დემონტაჟის საბოლოო მიზანი. ეს უკანასკნელი დამპალი კბილი შეშლილი არსების პირიდან უნდა ამოიგლიჯოს. და მხოლოდ ეს არის მსოფლიოსა და უკრაინის უსაფრთხოების გარანტი.

ბოლო ამბები: