კოხრეიძე: ქუთაისის მოსახლეობის ნაწილი ნაწყენია და თვლის, რომ თქვენ დიდი ვალი გმართებთ

31 Oct. 2022, 15:34

მე გამოვედი ინიციატივით, რომ კარგი იქნებოდა თუ სახალხო დამცველის ოფისი განთავსდებოდა ქალაქ ქუთაისში. ამ პროცესში გაირკვა, რომ სახალხო დამცველის ერთ-ერთი მნიშვნელოვანი პრობლემა, როგორიცაა ხშირი ოფისის ცვლილების საკითხი, რაც იწვევს ისეთ პრობლემებს, როგორიცაა მოქალაქეებისთვის მისაწვდომობა სახალხო დამცველის სერვისებზე და თანამშრომლებისთვის ღირსეული სამუშაო პირობების უზრუნველყოფა, უკვე გადაწყვეტილია. შეძენილია, როგორც მე ვიცი, მიწის ნაკვეთი, წარმოდგენილია შენობის არქიტექტურული პროექტი და შესაძლოა, მალე მშენებლობის პროცესი დაიწყოს, როგორც ჩემთვის არის ცნობილი.

რა თქმა უნდა, ეს გარემოება ბევრ რაიმეს ცვლის. რადგან მიმაჩნია, რომ საქართველოს გადასახადების გადამხდელთა მიერ უკვე გაწეული ხარჯი გასათვალისწინებელია. მე ვერ მოვიქცევი ისე, როგორც, თავის დროზე მოიქცა პარლამენტი, რომელმაც არ გაითვალისწინა, რომ 300 მილიონზე მეტი დახარჯული იყო საქართველოს პარლამენტის ახალ შენობაზე ქუთაისში. თქვენ იცით, რომ ამ საკითხთან მიმართებით, ქუთაისის მოსახლეობის ის ნაწილი, რომელთანაც მე მაქვს ურთიერთობა, უკმაყოფილოა და ნაწყენია და თვლის, რომ თქვენ დიდი ვალი გმართებთ ქუთაისელების წინაშე. მით უმეტეს, რომ ამ პროცესს წინ უსწრებდა სხვა ცენტრალური მნიშვნელობის დაწესებულების გადატანაც.

ბოლო ამბები: