საგამოძიებო სამსახურის განცხადებით, ისინი სხვადასხვა სისხლის სამართლის საქმეებზე, პირადი ცხოვრების საიდუმლოს ხელყოფისა და პირადი ხასიათის მიმოწერის უკანონოდ მოპოვების ფაქტზე არიან დაკავებული.

რატომ არის მნიშვნელოვანი: უწყების ცნობით, დადგინდა, რომ ბრალდებულები სხვადასხვა დროს მათთან ურთიერთობაში მყოფი დაზარალებულების შიშველი სხეულის ამსახველ ფოტოებს, ვიდეოებს, ინტიმური და პირადი ხასიათის მიმოწერებს ინახავდნენ და სოციალურ ქსელში ათავსებდნენ.

  • "ტელეფონით დაზარალებულის ნათესავებსა და ახლობლებს უგზავნიდნენ, ცალკეულ შემთხვევებში კი აღნიშნულ ვიდეო და ფოტო მასალას დაზარალებულებთან ურთიერთობის გაგრძელებისათვის შანტაჟის იარაღად იყენებდნენ".

დეტალები: დაკავებულებს ბრალი სსსკ-ის 157-ე პრიმა მუხლით, 159-ე მუხლის პირველი და მეორე ნაწილებით წარედგინათ.

  • სპეციალურ საგამოძიებო სამსახურში აცხადებენ, რომ საქმეზე გამოძიება გრძელდება.