სკოტ სტიუარტის ფილმში, მღვდელი, მთავარი პერსონაჟი, რომლის როლსაც პოლ ბეტანი ასრულებს, ვამპირებთან მებრძოლი, ზებუნებრივი ძალებით დაჯილდოებული მეომარი მღვდელია.

"მღვდლების ქვედანაყოფი ეკლესიამ შექმნა, რათა ადამიანებსა და ვამპირებს შორის არსებული ბრძოლა როგორმე მოეგოთ. ეს მებრძოლები ზებუნებრივი ნიჭითაც არიან დაჯილდოებულები და თითქმის იგივენაირი ორდენის წევრები არიან, როგორც ვარსკვლავური ომების ჯედაები", ამბობს სკოტ სტიუარტი.

მღვდელი კორეული კომიქსების იმავე სახელწოდების სერიაზეა დაფუძნებული. თუმცა ორიგინალში სიუჟეტი წარსულში, მეცხრამეტე საუკუნეში ვითარდება და ვამპირების ნაცვლად მღვდლები დაცემულ ანგელოზებს ებრძვიან.

"მეცხრამეტე საუკუნის დეკორაციებისა და სცენების შექმნა ძალიან ძვირი დაგვიჯდებოდა, ამიტომ სცენარისტმა, რომელმაც ეს კომიქსები წაიკითხა, გადაწყვიტა წარმოედგინა, როგორ შეიძლებოდა განვითარებულიყო ამბები სამყაროში. შესაბამისად, ჩვენი ფილმის სიუჟეტი მომავალში გადმოვიტანეთ და ანგელოზების ნაცვლად, მოწინააღმდეგე მხარედ ვამპირები შემოვიყვანეთ", ამბობს რეჟისორი.

ამ სამყაროში ადამიანები ტოტალიტარული თეოკრატიის პირობებში, სხვადასხვა ქალაქებში ცხოვრობენ, რომლებიც კედლებითაა შემოსაზღვრული და მის გარეთ ცხოვრება სახიფათოა. არსებობს რამდენიმე თავისუფალი ქალაქი, რომელიც ეკლესიას არ ექვემდებარება. სწორედ ასეთი ქალაქის შერიფი მიდის პოლ ბეტანის გმირთან და აუწყებს, რომ მისი ძმა და რძალი ვამპირებმა მოკლეს, ხოლო მისი ძმისშვილი მოიტაცეს.

მღვდელი ეკლესიის მაღალიერარქებთან მიდის და სთხოვს მისცენ უფლება, წავიდეს და თავისი ძმისშვილი გამოიხსნას. ეკლესია ვამპირების თავდასხმის ამბავს არ იჯერებს. მღვდელი, ეკლესიის ნების საწინააღმდეგოდ, ვამპირებთან საბრძოლველად მარტო მიდის.

ვინ უფრო კარგი მებრძოლია, მღვდელი თუ ჯედაი, ნახეთ 28 მაისს GDS-ზე. ჩაუჯექით დაუსრულებელ ომს!

კვირა 28 მაისი:
17:00 მღვდელი
18:30 ილაის წიგნი
20:40 ბრძოლა ლოს ანჯელესისთვის
23:00 წყნარი ოკეანის კარიბჭე