ცოტა ხნის წინ იკერ კასილასმა ტვიტერზე პოსტი გამოაქვეყნა, რომლითაც გეიდ დაქამინგაუთდა. "იმედი მაქვს პატივს მცემთ, მე გეი ვარ" , — ასე ეწერა კასილასის პოსტში, რომელიც ფეხბურთელმა გამოქვეყნებიდან მალევე წაშალა.

ფოტო: Twitter

ტვიტერის მომხმარებლები ფიქრობდნენ, რომ კასილასმა უბრალოდ "იხუმრა". გულშემატკივართა ნაწილი იმედგაცრუებული იყო იმ ფაქტით, რომ კასილასს ამ საკითხის შესახებ მართლაც შეეძლო ეხუმრა და ტვიტერზე ფეხბურთელის შესახებ უარყოფითი კომენტარები დაწერეს.

"იკერ კასილასისა და კარლეს პუიოლის ხუმრობა გეებზე ნამდვილად არ არის სასაცილო და არც კი იციან, რას აკეთებენ. კასილასი 41 წლისაა და ახლა ის ფეხბურთელი კაცები, რომლებიც გეები არიან, დაქამინგაუთებას კიდევ უფრო დააყოვნებენ, რადგან ამ საკითხის მიმართ სიძულვილი დაინახეს", — წერს ერთ-ერთი მომხმარებელი.

"გადახედეთ იმ ჰომოფობიურ ტვიტებსა და მიმებს, რომლებიც კასილასის გეიდ დაქამინგაუთებაზე იწერება. ესაა პასუხი იმაზე, თუ რატომ არ დაქამინგაუთდა გეიდ მეტი კაცი ფეხბურთელი. ეს აბსოლუტური საზიზღრობაა", — წერს ტვიტერის მომხმარებელი.

"კასილასი, რომელიც უკვე 40 წელს გადასცდა, გეების შესახებ ხუმრობს, რადგან სხვადასხვა ქალთან რომანებზე ჭორებს უვრცელებენ. ის უბრალოდ იდიოტია", — ვკითხულობთ ტვიტერის კომენტარებში.

ახლახან იკერ კასილასი ტვიტერზე გამოქვეყნებულ პოსტს გამოეხმაურა. "ტვიტერის ანგარიში გამიტეხეს. საბედნიეროდ, ახლა ყველაფერი რიგზეა. ბოდიშს ვუხდი ჩემს გულშემატკივრებს. რა თქმა უნდა, უფრო დიდ ბოდიშს LGBTQ+ თემს ვუხდი", — წერს კასილასი ტვიტერზე.