საგარეო საქმეთა მინისტრმა საქართველოსთვის სავიზო ლიბერალიზაციის მინიჭებასთან დაკავშირებით განაცხადა რომ საქართველოს ყველა მიმართულებით აქვს პროგრესი და საქართველოსთან მიმართებაში კითხვები ამ ეტაპზე არ არსებობს:

"პირველ რიგში ჩვენ ვაკვირდებით ამ პროცესს, სამწუხაროა რომ ინდივიდუალურად არ ხდება მსჯელობა ჩვენ რასაც ვამჩნევთ, ველით რომ საქართველოზე გადაწყვეტილება იქნება მიღებული ჩვენი რეფორმების შესაბამისად"

მიხეილ ჯანელიძის განცხადებით ევროპა განიცდის მძიმე დატვირთვას მიგრაციის საკითხებიდან გამომდინარე და საქართველოს ვიზალიბერალიზაციას ეს პროცესი არ უნდა დაუკავშირდეს:

"ჩვენ ვაგრძელებთ მუშაობას ჩვენს ევროპელ პარტნიორებთან. მოვუწოდებთ მათ რომ დროულად მიიღონ საქართველოზე გადაწყვეტილება. ეს არის პროცესი რომელიც მიმდინარეობს და დარწმუნებული ვარ დადებითად დასრულდება."

საგარეო საქმეთა მინისტრი ასევე აცხადებს რომ საქართველოს შიდა პოლიტიკური პროცესები არანაირად არაა დაკავშირებული ვიზალიბერალიზაციასთან:

"ეს პროცესი 4 ქვეყნისთვის მიმდინარეობს და სკეპტიციზმი არის მიგრაციის პრობლემებზე. დარწმუნებული ვართ რომ საქართველოსთან დაკავშირებით გადაწყვეტილება მიიღება დროულად. ევროკავშირის მხრიდან აშკარად და მკაფიოდ აღინიშნება რომ საქართველომ თავისი ვალდებულებები შეასრულა".

1 ივნისს, Reuters-ის მიერ, გამოქვეყნებული სტატიის თანახმად, ევროკავშირი დროებით აფერხებს საქართველოსთვის უვიზო მიმოსვლის დამტკიცების პროცესს და შესაძლოა, იგივე ბედი გაიზიარონ თურქეთმა, უკრაინამ და კოსოვომ, მიზეზი კი საემიგრაციო საკითხებთან დაკავშირებული სიფრთხილეა.

ევროპასთან უვიზო მიმოსვლამდე გასავლელი დარჩენილი პროცედურები